TOShKENT, 30 avg — Sputnik. Oliy Majlis deputatlari Ma’muriy javobgarlik kodeksining ayrim bandlariga kiritilishi rejalashtirilayotgan o‘zgarishlarga izoh berishdi.
Davlat O‘rmon xo‘jaligi yerlarida yildan yilga noqonuniy mol boqish holatlari ko‘paymoqda. 2015-yilda 132 ta shunday holat aniqlangan bo‘lsa, 2016-yilda — 177 ta noqonuniy mol boqish holatlari aniqlangan.
Oqibatda Qizil kitobga kiritilgan, dorivor o‘simliklar maydoni qisqarmoqda. Undan tashqari o‘simliklar tabiiy yangilanish soni ham qisqarmoqda.
Ushbu holatlarni hisobga olgan holda, deputatlar o‘rmon xo‘jaligi yerlarida mol boqishni butunlay ta’qiqlashni taklif qilishmoqda. Oldingi yillarda 11 445 ming gektar o‘rmon xo‘jaligi yerlarining 3200 gektari o‘tloqlar uchun ajratilar edi.
Bundan buyon esa, Ma’muriy javobgarlik kodeksining 77 bandiga (o‘romon xo‘jaliklari yerlaridan foydalanish qoidalarini buzish) qo‘yidagi o‘zgarishlarni kiritish taklif qilinmoqda:
1) O‘rmon xo‘jaligi yerlarini chorva o‘tlog‘i uchun ajratish tartibi bekor qilinadi;
2) Ikkinchidan, o‘rmon xo‘jaligi yerlaridan o‘tloq sifatida foydalanish ta’qiqlanadi va ushbu ta’qiqni buzgani uchun jarima miqdori oshiriladi;
3) Yil davomida ushbu ta’qiqni ikki va undan ortiq marta buzish uchun jarima miqdori yanada oshiriladi;
Nuz.uz xabari asosida tayyorlandi.
