TOShKENT, 7 sen — Sputnik. Joriy yil 16-sentabr kuni Toshkentda o‘zbek-qozoq biznes forum anjuman bo‘lib o‘tadi, deb xabar qildi Savdo-sanoat palatasi matbuot xizmati.
Anjuman "O‘zbekekspomarkaz" 4-chi pavilonida bo‘lib o‘tadi. Forum davomida o‘zbek va qozoq kompaniya vakillarining ikki tomonlama muzokaralar o‘tkaziladi.
Eslatib o‘tamiz, O‘zbekiston prezidenti Shavkat Mirziyoyev iyul oyida bir qancha mahalliy korxonalar uchun mahsulotlarni Qozog‘istonga eksport qilish tartibini soddalashtirish bo‘yicha farmoyish imzolagan edi.
Bugungi kunda O‘zbekistonda Qozog‘iston sarmoyasi bilan tashkil qilingan 230 ta korxona faoliyat yuritmoqda. Qozog‘istonda esa O‘zbekiston sarmoyadorlari ishtirokidagi 130 ta korxona ishlamoqda.
O‘tgan yilda O‘zbekiston va Qozog‘iston o‘rtasida tashqi savdo hajmi 2 milliard dollarni tashkil qildi. Keyingi yillarda mazkur ko‘rsatkichni 2 baravarga oshirish ko‘zda tutilgan.
Qozog‘iston O‘zbekistonni 2018-2022 yillar uchun Milliy eksport strategiyasiga kiritgan edi.
