Afg‘oniston prezidenti Buxoro davlat universitetida ma’ruza qiladi

© Sputnik / Ramil Sitdikov / Mediabankka o‘tishPrezident Afganistana Moxammad Ashraf Gani
Prezident Afganistana Moxammad Ashraf Gani - Sputnik O‘zbekiston
Obuna bo‘lish
O‘zbekiston prezidenti Shavkat Mirziyoyevning taklifiga binoan Afg‘oniston prezidenti Muhammad Ashraf G‘ani rasmiy tashrif bilan Toshkent shahriga keladi

TOShKENT, 2 dek — Sputnik. 2017-yil 4-dekabr kuni Afg‘oniston Islom Respublikasi Prezidenti Muhammad Ashraf G‘ani rasmiy tashrif bilan Toshkent shahriga keladi.

O‘zbekiston va Afg‘oniston o‘rtasida samolyotlar parvozi yo‘lga qo‘yiladi

O‘zbekiston prezidenti matbuot xizmatining xabar berishicha, Oliy darajadagi uchrashuvlarda O‘zbekiston va Afg‘oniston munosabatlarining bugungi holati va uzoq istiqbolga mo‘ljallangan hamkorlikni rivojlantirishning ustuvor yo‘nalishlarini muhokama qilish, asosiy xalqaro muammolar va mintaqaviy xavfsizlikni ta’minlash masalalari yuzasidan fikr almashish rejalashtirilgan.

"Muzokaralar yakunida davlat rahbarlarining Qo‘shma bayonoti qabul qilinishi, siyosiy, savdo-iqtisodiy, investitsiyaviy, transport-kommunikatsiya, fan-ta’lim va boshqa sohalarda ikki tomonlama hamkorlikni yanada mustahkamlashga qaratilgan qator hukumatlararo va idoralararo hujjatlar, shuningdek, tijorat shartnomalari imzolanishi kutilmoqda", —deyiladi matbuot xizmati xabarida.

Afg‘oniston prezidentining O‘zbekistonga tashrifi dasturidan, shuningdek, Buxoro shahrini ziyorat qilish ham o‘rin olgan. Oliy martabali mehmon Buxoro davlat universiteti professor-o‘qituvchilari va talabalari bilan uchrashadi hamda ular huzurida ma’ruza qiladi.

Yangiliklar lentasi
0