18:56 27 May 2018
Efir
  • EUR9396.79
  • RUB128.37
  • USD7997.95
Prezident Uzbekistana Shavkat Mirziyoyev

Mirziyoyev: 2018 yil nomi barchaga yoqadigan boʻladi

© Sputnik / Valeriy Melnikov
Jamiyat
Havola olish
354463712

Prezident Shavkat Mirziyoyev kelgusi yil nomi haqida oʻz fikrlarini aytib oʻtdi

TOSHKENT, 8 dek — Sputnik. Prezident Shavkat Mirziyoyev Oʻzbekiston Konstitutsiyasi qabul qilinganining 25 yilligiga bagʻishlangan tantanali marosimda 2018 yil nomi xususida oʻz fikrlarini bildirib oʻtdi, deb xabar qildi Sputnik muxbiri.

Eslatib oʻtamiz, Oʻzbekistonning Birinchi Prezidenti Islom Karimov tashabbusi bilan 1997 yildan buyon Konstitutsiya kuni arafasida kirib keladigan yangi yilni nomlash anʼanaga aylangandi. Biroq, bu yilgi Konstitutsiya kuni tantanasida 2018 yilga nom berilmadi.

Situatsiya posle vыborov prezidenta v Respublike Uzbekistan
© Sputnik / Valeriy Melnikov
Tadbir avvalida prezident yangi yil nomlanishi bilan bogʻliq masalaga toʻxtalib oʻtdi.

Mirziyoyev yigʻilganlarga murojaat qilar ekan, "barchangizni albatta, kelgusi yilga qanday nom berilar ekan, degan savol qiziqtiryapti. Bu hamma uchun qiziq. Albatta, kelgusi yilga nom beriladi va bu nom barchaga yoqadigan nom boʻladi", — dedi.

Oʻzbekiston prezidentining bu taʼkidi tadbirga oʻziga xos intriga bagʻishladi, desak mubolagʻa boʻlmaydi.

Ayni vaqtda ijtimoiy tarmoqlarda yangi yilning nomlanishi borasida qizgʻin bahs ketmoqda.

Ayrim guruhlarda, hatto, bu borada goʻyoki hukumat tomonidan qabul qilingan qarorlari eʼlon qilinishga ulgurdi.

Xususan, Telegram ijtimoiy tarmogʻida "2018 yil — Yoshlarni rahbarlikka tayinlash va ularni qoʻllab quvvatlash yili" boʻlishi mumkinligi taxmin qilinmoqda.

Eslatib oʻtamiz, Konstitutsiyaning 25 yilligiga bagʻishlangan tadbirda Oʻzbekiston prezidenti 2018 yil berish borasida yaqin kunlarda Oliy Majlis palatalariga taqdim etiladigan Murojaatnomasida maʼlum qilishini aytib oʻtgan edi.

Asosiy mavzular