Moliya vazirligi tizimida 500dan ortiq xodim ishdan bo‘shatildi

© Sputnik / Sergey Subbotin / Mediabankka o‘tishPortfeli
Portfeli - Sputnik O‘zbekiston
Obuna bo‘lish
Ilgariroq Mirziyoyev tanqididan keyin Moliya vazirligi jami 24 kishi ishdan bo‘shatilganini xabar qilgandi

TOShKENT, 27 dek – Sputnik. O‘zbekiston prezidenti Shavkat Mirziyoyevning Oliy Majlisga Murojaatnomasidagi tanqiddan keyin Moliya vazirligi tizimida 560dan ortiq xodim ishdan bo‘shatildi. Bu haqda O‘zA xabariga tayanib RIA Novosti xabar bermoqda.

Shavkat Mirziyoyev Parlament palatalariga Murojaatnomasida Moliya vazirligi faoliyatini keskin tanqid qilgan, vazirlik rahbariyatiga o‘n kun ichida eskicha tizimda ishlayotganlardan qutulish kerakligini ta’kidlagandi.

Portfeli - Sputnik O‘zbekiston
Rasman: Moliya vazirligidan 24 amaldor ishdan haydaldi

"22 dekabrdan bugungi kunga qadar respublika moliya tizimi muassasalarining, xususan, Moliya vazirligi, g‘aznachilik va Pensiya jamg‘armasining 562 nafar xodimi ishdan bo‘shatildi", — deyiladi moliya vazirligi xabarida.

Xususan, Moliya vazirligining hududiy boshqarma boshliqlari tomonidan joylardagi moliya idoralaridan 273 nafar (23 nafari rahbar xodim), g‘aznachilik idoralaridan 65 nafar (12 nafari rahbar xodim), Pensiya jamg‘armasidan 100 nafar (1 nafari rahbar xodim), davlat moliyaviy nazorati boshqarmalari xodimlaridan 100 nafari (4 nafari rahbar xodim) o‘z lavozimidan ozod etilgan.

Ilgariroq Mirziyoyev tanqididan keyin Moliya vazirligi markaziy apparatidan 2 nafar bosh boshqarma boshlig‘i, 2 nafar bosh boshqarma o‘rinbosari, 4 nafar boshqarma boshlig‘i, 1 nafar boshqarma boshlig‘i o‘rinbosari, 3 nafar bo‘lim boshlig‘i hamda 4 nafar xodim, shuningdek, yana 8 xodim – jami 24 kishi ishdan bo‘shatilgani xabar qilingandi.

Yangiliklar lentasi
0