TOShKENT, 28 dek – Sputnik. 2017-yilning 29-dekabr kuni Atom energiyasi bo‘yicha “Rosatom” davlat korporatsiyasi bosh direktori Aleksey Lixachev rahbarligidagi delegatsiya O‘zbekistonga keladi. Bu haqda “Jahon” AA xabar bermoqda.
Xabarda aytilishicha, Rossiya delegatsiyasi Toshkent shahrida avvalgi kelishuvlarni amalga oshirish doirasida ikki tomonlama uchrashuvlar va muzokaralar o‘tkazadi.
Eslatib o‘tamiz,Rossiya bosh vaziri Dmitriy Medvedevning noyabr oyida O‘zbekistonga tashrifi doirasida "Rosatom" davlat korporatsiyasi va O‘zbekiston Fanlar akademiyasi o‘rtasida atom energiyasidan tinchlik maqsadlarida foydalanish borasida hamkorlik qilish haqidagi memorandum imzolangandi.
Shuningdek, "Atomenergomash" kompaniyasining (Rosatom tarkibiga kiradi) xalqaro faoliyat bo‘yicha direktori Roman Murashov “Rosatom” O‘zbekistonga mini-GESlar yetkazib berish imkoniyatlarini ishlab chiqayotganligini bildirgandi.
