22:14 16 Sentyabr 2019
Efir
  • RUB142.96
  • EUR10360.56
  • USD9395.63
Kupola mecheti

Oʻzbekiston musulmonlari idorasi "Sunʼiy urugʻlantirish haqida"gi fatvoni eʼlon qildi

© Flickr / Adeel Anwer
Jamiyat
Havola olish
205121

Oʻtgan yilning 16-17 dekabr kunlari Turkiyaning Istanbul shahrida boʻlib oʻtgan Yevroosiyo islom kengashi fatvo assambleyasining ikkinchi yigʻilishida aynan sunʼiy urugʻlantirish va homilaga taalluqli masalalar muhokama qilindi

TOSHKENT, 7 fev – Sputnik. Oʻzbekiston musulmonlari idorasi tomonidan "Sunʼiy urugʻlantirish haqida"gi fatvo eʼlon qilindi.

"Shu kunlarda ushbu mavzu kun tartibiga chiqdi, desak mubolagʻa boʻlmaydi. Hatto, ayrimlar yetti yot begona insonning urugʻidan homilador boʻlib, qilgan ishi joiz emasligini bilgach, endi nima qilaman, deb bosh qotirayotgani koʻpchiligimizga maʼlum. Shu nuqtai nazardan, sunʼiy urugʻlantirish borasida dinimiz taʼlimotida nima deyiladi, qanday usuli joiz-u, qaysinisi harom? Moʻmin-musulmonlar ham bu usullardan foydalansa boʻladimi? Shu kabi savollarga batafsil javob beruvchi, ushbu masalalarga aniqlik kirituvchi barcha hukm va koʻrsatmalarni oʻz ichiga olgan fatvo ishlab chiqish va xalqimizga yetkazish boʻyicha ulamolar qator izlanishlarni olib borishdi", deyiladi Oʻzbekiston musulmonlari idorasi rasmiy veb-portalida joylashtirilgan xabarda.

Maʼlum qilinishicha, Oʻzbekiston musulmonlari idorasi Fatvo boʻlimi mudiri Homidjon qori Ishmatbekov oʻtgan yilning 16-17 dekabr kunlari Turkiyaning Istanbul shahrida boʻlib oʻtgan Yevroosiyo islom kengashi fatvo assambleyasining ikkinchi yigʻilishida ishtirok etdi. Ushbu yigʻilish kun tartibida aynan sunʼiy urugʻlantirish va homilaga taalluqli masalalar muhokama qilindi.

Oʻzbekiston musulmonlari idorasi ulamolari mazkur mavzu doirasidagi barcha jihatlarni oʻrganib chiqqandan keyin "Sunʼiy urugʻlantirish haqida"gi fatvoni eʼlon qildi.

Fatvoga koʻra:

Sunʼiy urugʻlantirish amaliyotini oʻta zarur holatda va faqat oʻrtalarida sharʼiy aqdi nikohlari boʻlgan er-xotinlar orasidagina amalga oshirish mubohdir.

Sunʼiy urugʻlantirish amaliyoti uchun oʻrtalarida sharʼiy aqdi nikohlari boʻlgan erkak va ayolning urugʻlarini saqlashda begona shaxslarniki bilan aralashib ketmasligi uchun barcha ehtiyot choralarini koʻrish va albatta, uni ishonchli tabib amalga oshirishi shart.

Oʻrtalarida nikoh boʻlmagan erkak va ayol oʻrtasida sunʼiy urugʻlantirish amaliyotini oʻtkazish sharʼan manʼ etiladi.

Dinu diyonatiga beeʼtibor boʻlmagan, naslu nasabining pok boʻlishini muhim deb bilgan moʻmin-musulmonlar sunʼiy urugʻlantirishning manʼ etilgan usulidan foydalanishdan hazarda boʻlsinlar.

Fatvoning toʻliq matni bilan ushbu havola orqali tanishish mumkin.

Asosiy mavzular