18:29 23 Iyun 2018
Efir
  • RUB124.89
  • EUR9150.95
  • USD7883.99
Vstupitelnыe ekzamenы v Universitet Inxa v Tashkente

Davlat test markazi namunaviy test topshiriqlarni eʼlon qildi

Facebook
Jamiyat
Havola olish
252712

DTM saytida oʻzbek, qoraqalpoq, rus tillari, adabiyot, matematika, informatika, fizika, kimyo, biologiya, geografiya, tarix, shuningdek ingliz, nemis va frantsuz tillari boʻyicha testlar qoʻyilgan.

TOSHKENT, 13 mar — Sputnik. Davlat test markazi (DTM) oliygohlarga kirish imtihonlari boʻyicha namunaviy test topshiriqlarni eʼlon qildi, deb xabar qildi Sputnik muxbiri.

DTM saytida oʻzbek, qoraqalpoq, rus tillari, adabiyot, matematika, informatika, fizika, kimyo, biologiya, geografiya, tarix, shuningdek ingliz, nemis va frantsuz tillari boʻyicha testlar qoʻyilgan.

"Taqdim etilayotgan test topshiriqlarining namunaviy variantlari tasdiqlangan talablar kodifikatori va test topshiriqlari tafsilotlari asosida tayyorlangan boʻlib, abituriyentlarga, ularning ustozlari va keng jamoatchilikka umumtaʼlim fanlari boʻyicha boʻlgʻusi imtihonning shakli, mazmuni, murakkablik darajasini namoyish qilish uchun moʻljallangan. Ushbu variantlar boshqa metodik nashrlar bilan bir qatorda oʻquvchilarga qabul test sinovlariga tayyorgarlik koʻrish uchun yordam berishga qaratilgan", — deyilgan xabarda.

Eslatib oʻtamiz, oliy taʼlim muassasalariga kirish uchun test sinovlari 1 avgustdan 15 avgustga qadar oʻtkaziladi. Shuningdek, kirish test sinovlari natijalari test sinovi oʻtkazilgan kunning ertasigayoq Davlat test markazining rasmiy veb-saytida eʼlon qilinadi.

Oxirgi yillarda Oʻzbekistonda abituriyentlar soni yil sayin oʻrtacha 10 %ga oʻsib bormoqda. 2016 yilda 663 ming kishi hujjat topshirgan boʻlsa, 2017 yilda — 729 ming kishi OTMlarga kirish istagi bildirgan. 2018 yilda esa abituriyentlar soni 810 mingga yaqin boʻlishi kutilmoqda.

Asosiy mavzular