22:51 13 Noyabr 2018
Efir
  • RUB121.79
  • EUR9374.66
  • USD8271.27
Dollarы SSHA.

Banklar qanday holdagi shikastlangan xorij valyutalarini qabul qilishi belgilab berildi

© Sputnik / Natalya Seliverstova
Jamiyat
Havola olish
349 0 0

Jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizom tasdiqlandi.

TOSHKENT, 9 iyul — Sputnik. Oʻzbekiston Markaziy banki boshqaruvi tomonidan shikastlangan valyutalarni qabul qilish toʻgʻrisidagi qarori eʼlon qilindi, deb xabar berdi Sputnik muxbiri.

Qaror bilan jismoniy shaxslar bilan valyuta ayirboshlash operatsiyalarini amalga oshirish tartibi toʻgʻrisidagi nizom tasdiqlandi. Nizomda shikastlangan chet el valyutasini muomalaga yaroqli deb topish asoslari ham koʻrsatilgan.

Masalan, endilikda tasvirini (shaklini) aniqlash imkonini beradigan darajada siyqalangan va ifloslangan boʻlsa; enining (boʻyining) toʻrtdan bir qismidan oshmagan yopishtirilgan yirtiqlarga ega boʻlsa; qoʻyilgan burchaklari yoki qismlari (1 santimetr ikkitadan oshmagan) boʻlsa hamda yirtib olingan burchaklari yoki qismlar aniq ushbu banknotaga tegishli boʻlsa bunday banknotalar muomalaga yaroqli qonuniy toʻlov vositasi hisoblanadi.

Shuningdek, nizomga muvofiq, tijorat banklari tomonidan jismoniy shaxslarning shikastlangan banknotalarini milliy valyutaga ayirboshlash yoki shu turdagi shikastlanmagan banknotalarga almashtirish, maydalash, yiriklash hamda konversiya operatsiyalarni amalga oshirishni rad etishga yoʻl qoʻyilmaydi.

Ilgari amal qilgan tartibga koʻra, eski kupyuralarni Tashqi iqtisodiy faoliyat Milliy bankiga topshirishga toʻgʻri kelardi. Endilikda bunday kupyuralarni banklar va valyuta almashtirish punktlari qabul qilishga majbur. Shikastlangan kupyuralarni qabul qilgani uchun moliya muassasalariga komissiya toʻlovi olishga ruxsat berildi.

Asosiy mavzular