01:52 23 Sentyabr 2018
Efir
  • RUB118.05
  • EUR9347.75
  • USD8039.00
Plodoovoщnaya produktsiya

Oʻzbekistonda oʻsimliklar karantini boʻyicha davlat organlari tizimi qayta koʻrib chiqildi

© Rosselxoznadzor po Novosibirskoy oblasti RF
Jamiyat
Havola olish
11410

Respublikada “Oʻsimliklar karantini toʻgʻrisida”gi qonunning yangi tahriri kuchga kirdi.

TOSHKENT, 11 iyul — Sputnik. Oʻzbekiston prezidenti Shavkat Mirziyoyev "Oʻsimliklar karantini toʻgʻrisida"gi qonuni (yangi tahriri) imzoladi, deb xabar qildi Adliya Vazirligining "Huquqiy axborot" kanali.

Qonunning maqsadi oʻsimliklar karantini sohasidagi munosabatlarni tartibga solishdan iborat.

Qonunda oʻsimliklar karantini sohasini tartibga solish, oʻsimliklar karantini boʻyicha davlat xizmati tizimi va unga rahbarlik qilish, davlat va xoʻjalik boshqaruvi organlarining, yuridik va jismoniy shaxslarning oʻsimliklar karantini sohasidagi huquq va majburiyatlari, oʻsimliklar karantiniga doir tadbirlar va ularni amalga oshirish, oʻsimliklar karantini sohasidagi axborotning ochiqligi, karantin ostidagi mahsulotni olib kirish va olib chiqish, shuningdek yakunlovchi qoidalar nazarda tutilgan.

Xususan, qonunga muvofiq karantin ostidagi mahsulotga, uni olib kirishga, olib chiqishga, ishlab chiqarishga, qayta ishlashga, saqlashga, tashishga, realizatsiya qilishga va yoʻq qilishga doir talablarni belgilaydigan, davlat va xoʻjalik boshqaruvi organlari, yuridik va jismoniy shaxslar tomonidan bajarilishi shart boʻlgan hujjatlar fitosanitariya talablaridir.

Shu bilan birga, oʻzgartishlarga muvofiq fuqarolarning oʻzini oʻzi boshqarish organlari oʻsimliklar karantini sohasidagi davlat dasturlarini, hududiy va boshqa dasturlarni amalga oshirishda ishtirok etadi, tegishli hududda oʻsimliklar karantini sohasida jamoatchilik nazoratini amalga oshiradi, tegishli hudud aholisini oʻsimliklar karantini obʼyektlari tarqalganligi toʻgʻrisida xabardor qilishda oʻsimliklar karantini davlat inspektorlariga koʻmaklashadi.

Bundan tashqari, qonun bilan oʻsimliklar karantini boʻyicha davlat xizmati organlari tizimi qayta koʻrib chiqilgan. Jumladan, Oʻsimliklar karantini boʻyicha davlat xizmati tizimini:

• Oʻsimliklar karantini davlat inspektsiyasi;

• Qoraqalpogʻiston Respublikasi, viloyatlar va Toshkent shahar oʻsimliklar karantini davlat inspektsiyalari;

• Oʻsimliklar karantini ilmiy markazi;

• avtomobil yoʻllaridagi, temir yoʻl stantsiyalaridagi, aeroportlardagi, daryo portlaridagi va pochtamtlarning punktidagi oʻsimliklar karantini chegara punktlari tashkil etadi.

Taʼkidlash lozimki, Oʻsimliklar karantini boʻyicha davlat xizmatining ilmiy taʼminotini Oʻsimliklar karantini ilmiy markazi amalga oshiradi.

Oʻsimliklar karantini ilmiy markazi oʻsimliklar karantini obʼyektlarining bioekologik xususiyatlarini va ularga qarshi kurashish usullarini oʻrganish boʻyicha ilmiy-tadqiqotlar olib boradi, oʻsimliklar karantini obʼyektlariga qarshi kurashish sohasi xodimlarining kasbiy bilimlari va malakasi oshirilishini, oʻsimliklar karantini obʼyektlari toʻgʻrisidagi bilimlarning aholi oʻrtasida tarqatilishini taʼminlaydi.

Qonun 2018 yil 10 iyuldan kuchga kirdi.

Asosiy mavzular