Aliment to‘lashdan bo‘yin tovlagan shaxslarga ko‘riladigan jazo choralari haqida eslatma berildi

© Sputnik / Kirill Braga / Mediabankka o‘tishOta va bola
Ota va bola - Sputnik O‘zbekiston
Obuna bo‘lish
Agar ma’muriy jazo qo‘llanilgandan keyin ham shaxs bolaga aliment to‘lamasa unda jinoiy javobgarlikka tortiladi.

TOShKENT, 7 avg — Sputnik. Aliment to‘lash bo‘yicha sud qarorini bajarishdan bo‘yin tovlagan shaxslar ota-onalik huquqidan mahrum qilinishi, ma’muriy yoki jinoiy javobgarlikka tortilishi mumkin. Bu haqda Adliya vazirligining “Huquqiy axborot” kanali eslatma berdi.

Avtomobilnoe dvijenie v Tashkente - Sputnik O‘zbekiston
Aliment to‘lamagan shaxslardan haydovchilik guvohnomalari olib qo‘yilishi mumkin

Bunda ma’muriy jazo sifatida o‘n besh sutkaga ma’muriy qamoqqa olish belgilanadi.

Ma’muriy qamoq qo‘llanilishi mumkin bo‘lmagan shaxslar (homilador yoki uch yoshgacha bolasi bo‘lgan ayollar, o‘n to‘rt yoshgacha bo‘lgan bolasini o‘zi tarbiyalayotgan shaxslar, o‘n sakkiz yoshga to‘lmagan shaxslar, I va II guruh nogironlari) esa eng kam ish haqining yigirma baravari (3 686 000 so‘m) miqdorida jarima to‘laydi.

Agar ma’muriy jazo qo‘llanilgandan keyin ham shaxs bolaga aliment to‘lamasa unda jinoiy javobgarlikka tortiladi.

Jinoiy jazo ushbu jinoyat uchun ikki yilgacha axloq tuzatish ishlari yoki bir yilgacha ozodlikdan mahrum qilish deb belgilangan.

Agar shaxs aliment bo‘yicha qarzdorlikni to‘liq qoplagan bo‘lsa, u javobgarlikdan ozod qilinadi.

Yangiliklar lentasi
0