23:11 18 Fevral 2019
Efir
  • RUB127.67
  • EUR9510.03
  • USD8395.15
Ulitsa v selskoy mestnosti v Uzbekistane

Oʻzbekistonda yerga nisbatan xususiy mulk huquqi joriy etilishi mumkin

CC BY 2.0 / Pekka Tamminen / Seaside boulevard 30 years ago
Jamiyat
Havola olish
32920

Yer uchastkalarini xususiylashtirish Qoraqalpogʻiston Respublikasi Vazirlar Kengashi, viloyatlar va Toshkent shahar hokimining qarorlari asosida pullik asosda amalga oshiriladi.

TOSHKENT, 18 okt – Sputnik. “Qishloq xoʻjaligi maqsadlarida boʻlmagan yer uchastkalariga xususiy mulk huquqini bosqichma-bosqich joriy etish chora-tadbirlari toʻgʻrisida”gi qaror loyihasi muhokamasiga qoʻyildi. 

Qaror loyihasiga koʻra 2019 yil 1 iyuldan boshlab:

- yuridik shaxslar, shuningdek, yakka tartibdagi tadbirkorlar — rezidentlar oʻzlariga tegishli boʻlgan bino va inshootlar joylashgan yer uchastkalarini, shuningdek, ularga tutash yer uchastkalarini xususiylashtirish huquqiga ega boʻlishi;

- Oʻzbekiston fuqarolari, shuningdek, mamlakatda doimiy yashovchi fuqaroligi boʻlmagan shaxslar yakka tartibda uy-joy qurish va turar-joyga xizmat koʻrsatish uchun ajratilgan yer uchastkalarini xususiylashtirish huquqiga ega boʻlishi;

- yuridik shaxslar, yakka tartibdagi tadbirkorlar - Oʻzbekiston rezidentlari, shuningdek, mamlakat fuqarolari yer uchastkalari bilan birgalikda xususiylashtirish tartibida davlat koʻchmas mulk obʼyektlarini sotib olishlari mumkinligi nazarda tutilgan.

Yer uchastkalarini xususiylashtirish Qoraqalpogʻiston Respublikasi Vazirlar Kengashi, viloyatlar va Toshkent shahar hokimining qarorlari asosida pullik asosda amalga oshiriladi.

Loyihada yer uchastkalarini xususiylashtirish faqat bosh rejalar va batafsil rejalashtirish loyihalari, shuningdek, koʻchmas mulk kadastr hujjatlari mavjud boʻlgan aholi punktlarida joylashgan yer uchastkalariga nisbatan amalga oshirilishi belgilangan.

Shuningdek, 2021 yil 1 yanvargacha yer uchastkalarini xususiylashtirish uchun toʻlov, ularning joylashgan joyi, kommunikatsiyalar va boshqa sharoitlar mavjudligiga qarab aniqlanuvchi kadastr baholanishi boʻyicha, 2021 yil 1 yanvardan keyin bozor qiymati boʻyicha amalga oshiriladi.

Jismoniy va yuridik shaxslarni yer uchastkalarini xususiylashtirishga ragʻbatlantirish, shuningdek, yer uchastkasining egasi va foydalanuvchisi maqomini aniq belgilash uchun yer uchastkalari mulkdorlariga belgilangan yer soligʻi stavkasini 1/2 qismga kamaytirish taklif etildi.

Asosiy mavzular