21:30 15 Noyabr 2018
Efir
  • RUB121.79
  • EUR9374.66
  • USD8271.27
Prodaja energeticheskix napitkov

Oʻzbekistonda 18 yoshga toʻlmagan shaxslarga energetik ichimlik sotish taʼqiqlanadi

© Sputnik / Aleksey Malgavko
Jamiyat
Havola olish
180 0 0

Oʻn sakkiz yoshga toʻlmagan shaxslarga energetik ichimlik sotgan fuqarolarga eng kam ish haqining 5 baravaridan 10 baravarigacha, mansabdor shaxslarga esa 7 baravaridan 15 baravarigacha miqdorda jarima solishga sabab boʻlishi bilan bogʻliq modda kiritish taklif etildi.

Toshkent, 8 noya – Sputnik. Deputatlar oʻsmirlarga energetik ichimlik sotgan shaxslarni jarima tariqasida jazolashni taklif qilishmoqda. Ushbu masala Oʻzbekiston “Milliy tiklanish” demokratik partiyasining Parlament quyi palatasidagi fraktsiyasi yigʻilishida Qonunchilik palatasi majlisi muhokamasiga kiritilishi rejalashtirilayotgan bir qator qonun loyihalari muhokamasida koʻrib chiqildi.

“Oʻzbekiston Respublikasining maʼmuriy javobgarlik toʻgʻrisidagi kodeksiga energetik ichimliklarni 18 yoshga toʻlmagan shaxslarga realizatsiya qilish – fuqarolarga eng kam ish haqining 5 baravaridan 10 baravarigacha, mansabdor shaxslarga esa – 7 baravaridan 15  baravarigacha miqdorda jarima solishga sabab boʻladi”, - deb partiyaning matbuot xizmati xabar qildi.

Eslatib oʻtamiz, “Oziq-ovqat mahsulotining sifati va xavfsizligi toʻgʻrisida”gi qonunda energetik ichimliklar tushunchasiga taʼrif berilgan. Shuningdek, “Reklama toʻgʻrisida”gi qonunda bunday ichimliklarni isteʼmol qilishning zarari, tavsiya etilmaydigan shaxslar haqidagi axborot mavjud boʻlishi kerakligi, shuningdek, televideniye va radio orqali reklama qilish vaqtlari aniq belgilaydi. Bolalar va oʻsmirlar uchun moʻljallangan bosma nashrlarda, shuningdek, tibbiyot, sport va taʼlim muassasalarida energetik ichimliklarni reklama qilish taqiqlangan.

Asosiy mavzular