06:40 13 Dekabr 2018
Efir
  • RUB125.22
  • EUR9456.46
  • USD8312.64
Boyets MMA Murod Xanturayev

Murod Xontoʻrayevga hujum qilgan qora niqoblilarning shaxsi aniqlandi

Federatsiya WEF
Jamiyat
Havola olish
730 0 0

Ushbu holat yuzasidan Oʻzbekiston Jinoyat kodeksining 277-moddasi 2-qismi "b, v" bandlari bilan jinoyat ishi qoʻzgʻatilgan.

TOSHKENT, 6 dek – Sputnik. Murod Xontoʻrayevga hujum qilgan barcha kishilarning shaxsiga aniqlik kiritildi.

Toshkent shahar IIBB matbuot xizmati xodimi Feruza Elmurodova maʼlum qilishicha, ushbu holat yuzasidan Toshkent shahar Ichki ishlar bosh boshqarmasi huzuridagi Tergov boshqarmasi tomonidan Oʻzbekiston Jinoyat kodeksining 277-moddasi 2-qismi "b, v" bandlari bilan jinoyat ishi qoʻzgʻatilgan.

Hozirda ushbu voqeaning barcha ishtirokchilari shaxsiga aniqlik kiritilgan.

Biroq, Jinoyat protsessual kodeksiga asosan tergov harakatlari siri tufayli jinoyat ishi boʻyicha tafsilotlar lozim boʻlgan tergov harakatlari oʻtkazilganidan soʻng ochiqlanadi.

Shuningdek, lavhada aytilishicha, 2018 yilning 30 noyabr kuni Murod Xontoʻrayevning sogʻligʻi yaxshiligi sababli Toshkent shahar Ichki ishlar bosh boshqarmasi xodimlari tomonidan 1-sonli klinik shifoxonadan tergov harakatlari oʻtkazish uchun taklif qilingan. U bilan tergov harakatlari oʻtkazilgandan soʻng, hozirda davolanishni davom ettirmoqda. 

Eslatib oʻtamiz, 26 noyabr kuni Toshkent shahridagi “Toshkent savdo markazi” hududida yakkakurash sport turining aralash turi boʻyicha jahon chempioni Murod Xontoʻrayev pichoqlab ketilgani haqida xabar berilgandik.

Asosiy mavzular