11:30 25 Aprel 2019
Efir
  • RUB131.78
  • EUR9493.15
  • USD8441.36
Mujchina rabotayet za kompyuterom

Kim va nima uchun Rossiyada oʻzbek tilini oʻrganmoqda?

CC0 / Pixabay
Jamiyat
Havola olish
806 0 0

Sputnik muxbiri Rossiyada oʻzbek tilini oʻrganish istiqbollari bilan qiziqdi.

TOSHKENT, 4 fevr – Sputnik, Mariya Naumenko. Toshkent va Moskva orasidagi munosabatlar faol rivojlanib borayotgan bugungi kunda rossiyaliklar uchun ham oʻzbek tilini oʻrganishga ehtiyoj paydo boʻlmoqda.

Moskva davlat lingvistika universitetida talabalar oʻzbek tilini ikkinchi xorijiy til sifatida oʻrganishmoqda. Buning uchun birinchidan talaba boʻlish, ikkinchidan – kamida 4 yil darslarga qatnashish kerak boʻladi.

Boshqalar esa, oʻzbek tilini oʻrganish uchun faqat repetitor yollashi yoki, mustaqil ravishda oʻrganishi kerak boʻladi.

Ushbu sohada Rossiyada yaqinda yana bir qiziq imkoniyat paydo boʻldi – oʻzbek tilining internet maktabi Uzbekonline.ru. Darslar 12 hafta davomida 24 soatdan davom etadi. Kurs jadvali oʻquvchi vaqtiga qarab belgilanishi mumkin.

Uzbekonline internet-maktabining asoschisi Laziza Azimova Sputnik muxbiri bilan boʻlgan suhbatda oʻzbek tilini oʻrganishga kimlar kelayotganini va qanday qoidalarni oʻrganishda oʻquvchilar qiyinchiliklarga duch kelayotgani haqida soʻzlab berdi.

“Maktabimizda 25 yoshdan katta boʻlgan oʻquvchilar tahsil oladi. Ular, asosan, ish faoliyatida oʻzbek tilidan foydalanadiganlar yoki uyidan uzoqda oʻzbek tilini unutmaslik uchun takrorlashni istaydiganlar”, - deydi Azimova.

Oʻquvchilarning ayrimlari Oʻzbekiston hududida, baʼzilari esa xorijiy mamlakatlardan turib darslarda ishtirok etadi.

“Odatda ular oʻzbeklarning turmush oʻrtoqlari yoki Rossiyada oʻzbeklar bilan ishlaydiganlar. Ular qoʻl ostidagilar rus tilini oʻrgangunicha oʻzlari oʻzbek tilini oʻrganib olishni afzal koʻrishadi”, -  deydi Uzbekonline asoschisi.

Azimova aytishiga qaraganda, Rossiyada hozir oʻzbek tilini bilish talab qilinayotgan vakansiyalar ham bor. Masalan, uyali aloqa saloni operatorlari.

Azimova aytishiga qaraganda, oʻquv jarayonida eng qiyini – grammatika.

“Uni nafaqat tushunish va eslab qolish kerak, balkim amalda qoʻllashni ham bilish kerak. Oʻshanda oʻqish jarayoni ham ancha osonlashadi”, - deydi Azimova.

Lekin internet maktabga kelayotgan aksariyat oʻquvchilar tezroq oʻzbek tilida soʻzlashishni va talaffuz qilishni oʻrganib olishni istaydi.

“Biz oʻz oldimizga boʻlajak filologlar yetishtirishni maqsad qilib qoʻymaganmiz. Bizning oʻquvchilar olgan bilimlarini darhol amalda qoʻllab, oʻzbek tilida tezroq gaplashishni boshlashni istaydiganlar”, - deydi mutaxassis.

Azimova aytishiga qaraganda hozirgi paytda u qozoq tilini oʻrganish boʻyicha ham koʻplab soʻrovnomalar olmoqda. Shu sabab internet-maktab yaqin orada boshqa Markaziy Osiyo tillarni ham oʻrgatishni boshlashi mumkin.

Uzbekonline maʼlumotiga koʻra, oʻzbek tilida dunyoda 40 milliondan ortiq kishi soʻzlashadi. Oʻzbek tilini bilgan kishi turk, ozarbayjon, qirgʻiz, qozoq va uygʻur tillarini ham tushunishi mumkin.

Asosiy mavzular