TOShKENT, 5 fev – Sputnik. O‘zbekiston Respublikasi Vazirlar Mahkamasi apparatining tarkibiy bo‘linmalari tuzilmasini tasdiqlash to‘g‘risidagi hukumat qarori qabul qilindi. Bu haqda “Huquqiy axborot” kanali xabar berdi.
Qaror bilan quyidagi tuzilmalar tasdiqlandi:
- Bosh vazirning kotibiyati, protokol xizmati va matbuot xizmati;
- Hukumatning Oliy Majlisdagi Vakolatli vakili kotibiyati;
- Xalqaro hamkorlik bo‘limi;
- Harbiylashtirilgan tuzilmalar faoliyatini moliyaviy va moddiy-texnik ta’minlash bo‘limi;
- Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini ta’minlash masalalari kotibiyati;
- Yoshlar siyosati, madaniyat, ma’naviyat, ommaviy axborot vositalari, ijodiy va jamoat tashkilotlari masalalari kotibiyati;
- Bosh vazir o‘rinbosarlari va maslahatchilari kotibiyatlari;
- Hukumat apparati boshqaruvchisi, uning o‘rinbosarlari, kotibiyatlari va Hukumatning funksional bo‘linmalari.