12:32 15 Dekabr 2019
Efir
  • RUB149.88
  • EUR10545.67
  • USD9537.55
Koordinator mejregionalnoy obщestvennoy organizatsii Moskovskiy profsoyuz politsii Mixail Pashkin

Ichki ishlar xodimlariga hujumlar soni nega koʻpaymoqda – ekspert fikri

Official website of the Moscow
Jamiyat
Havola olish
0 0 0

Sovet davrida bir nafar militsiya xodimi boʻlsa kifoya edi, odamlar uning talabini bajarar edi, - deydi ekspert.

TOSHKENT, 20 fev — Sputnik. Ichki ishlar Tergov boʻlimi safida koʻp yillar xizmat qilgan, Moskva Politsiyasi profsiyuzi koordinatori Mixail Pashkin nima sababdan soʻnggi vaqtlarda Oʻzbekiston, Rossiyada va MDHning boshqa davlatlarida huquqni saqlash organlari xodimlariga qonun buzayotgan fuqarolar tomonidan hujum qilish holatlari koʻpaygani haqida hikoya qilib berdi.

Qayd etish joizki, soʻnggi yillar davomida Oʻzbekiston huquqni saqlash organlari faoliyatida katta oʻzgarishlar yuz berdi – IIV ochiq faoliyat yurita boshladi. Aholi  murojaatlari onlayn qabul qilinib ularga darhol choralar koʻrila boshlandi. Afsuski, ushbu ijobiy oʻzgarishlarni barcha fuqarolar ham toʻgʻri tushungani yoʻq.

Oxirgi vaqtlarda respublikaning u yoki bu hududida qonun buzgan fuqarolar tomonidan ichki ishlar xodimlariga hujum qilingani yoki ularning qonuniy talablariga boʻy soʻnmaslik haqidagi xabarlar paydo boʻlmoqda. Eng achinarlisi, ana shunday voqealar aks etgan videolar ijtimoiy tarmoqlarda keng tarqalib, koʻplab “layk” jamlamoqda.

Ichki ishlar xizmati veterani Mixaila Pashkin aytishiga qaraganda ushbu kabi xavotirli tendentsiyaning bir necha sabablari boʻlishi mumkin.

“Birinchidan, bu IIB xodimlarining xulq-atvoriga bogʻliq boʻlishi mumkin. Ular oʻzlarni notoʻgʻri tutayotgan boʻlishlari mumkin. Axir sovet davrida bir nafar militsiya xodimi boʻlsa kifoya edi. Odamlar uning talabini bajarar edi, xalq militsiyaga soʻzsiz ishonar edi.

Hozir boʻlsa, OAVlarda korruptsiya va vazifasini suistemol qilish haqida koʻplab xabarlar paydo boʻlmoqda. Buning natijasida, huquqni saqlash organlari xodimlariga ishonmaslik, undan soʻng esa – ularga boʻysoʻnmaslik kelib chiqadi”, -  deydi Pashkin.

Ikkinchidan esa, ekspert fikriga koʻra, huquqni saqlash organlari vakillariga hujum qilish - bu hukumatga qarshi faoliyatning bir koʻrinishi boʻlishi mumkin. Shu oʻrinda, Pashkin Rossiyaning Checheniston va Dogʻiston oʻlkalarida boʻlib oʻtgan voqealarni esga oldi. U yerda 2017-2018 yillarda "Islomiy davlat" bilan bogʻliq terrorchilar bir necha bor politsiya va yoʻl nazorati inspektsiyasi xizmati xodimlariga hujum qilgan edi.

Pashkin aytishiga koʻra, bunday sharoitda IIV vakillari va rahbariyati aholi bilan tez-tez uchrashib turishi, ularning arzlariga javob berishi kerak, nohaqlik yuz bergan boʻlsa - uni hal qilishi kerak. 

“Ushbu uchrashuvlar rasmiyatchilik yuzasidan emas, ochiq oydin, OAVda kenga yoritilgan holda oʻtishi kerak. Ularda muammolar hal qilinishi kerak”, - dedi rossiyalik ekspert.

Toshkent shahar IIBB boshligʻi Rustam Joʻrayev boʻlib oʻtgan brifinglardan birida aholidan IIB xodimlari tomonidan qonunbuzarlik guvohi boʻlganda, muammoni tezroq hal qilish uchun, videoni darhol Facebookka joylamasdan "102" raqamiga qoʻngʻiroq qilishni maslahat bergan edi.

Asosiy mavzular