20:02 16 Sentyabr 2019
Efir
  • RUB142.96
  • EUR10360.56
  • USD9395.63
Shkolniki vo vremya peremenы, arxivnoye foto

Maktab oʻquvchilarini nazorat qilish boʻyicha elektron tizim joriy etiladi

© Sputnik / Kirill Kallinikov
Jamiyat
Havola olish
178 0 0

Voyaga yetmaganlar oʻrtasida huquqbuzarlik va nazoratsizlikning oldini olish, bolalarni taʼlimga jalb qilish maqsadida elektron axborot tizimini joriy etiladi.

TOSHKENT, 21 fev – Sputnik. “Voyaga yetmaganlar oʻrtasida huquqbuzarlik va nazoratsizlikning oldini olish va bolalarni taʼlimga jalb qilishga qaratilgan elektron tizimni yaratish toʻgʻrisida” hukumat qarori loyihasi tayyorlandi.

“Oʻzbekiston Respublikasi Xalq taʼlimi vazirligining voyaga yetmaganlar oʻrtasida huquqbuzarlik va nazoratsizlikning oldini olish, bolalarni taʼlimga jalb qilish maqsadida elektron axborot tizimini joriy etish taklifi maqullansin”, - deyilgan hujjat loyihasida.

Axborot tizimining asosiy vazifalari etib quyidagilar belgilanadi:

- voyaga yetmaganlar oʻrtasida huquqbuzarlikni oldini olishga koʻmaklashish
va monitoringini olib borish;

- huquqbuzarlikka moyilligi boʻlgan voyaga yetmaganlarning bazasini shakllantirish va ular orasida huquqbuzarlik sodir etilishining oldini olish uchun maʼnaviy-maʼrifiy darslarni olib borish;

- maktab oʻquvchilarining taʼlimga jalb qilinishida va darsdan keyingi boʻsh vaqtlarini mazmunli oʻtkazishni nazorat qilish;

- oʻquvchilarni taʼlimga jalb qilish yuzasidan oila, fuqarolarning oʻzini oʻzi boshqarish organlari, taʼlim va sogʻliqni saqlash muassasalari, vasiylik va homiylik organlari, voyaga yetmaganlar ishlari boʻyicha idoralararo komissiyalar, ichki ishlar organlari hamkorligining samaradorligini oshirish choralarini koʻrish.

Axborot tizimi 2019 yil 1 sentyabrga qadar ishga tushirish rejalashtirilgan.

Asosiy mavzular