19:09 16 Sentyabr 2019
Efir
  • RUB142.96
  • EUR10360.56
  • USD9395.63
Veteranы voynы tantsuyut na prazdnike 9 maya v Tashkente

Ikkinchi jahon urushi faxriylariga yangi medal va pul mukofoti sovgʻa qilinadi

© Sputnik / Ramiz Baxtiyarov
Jamiyat
Havola olish
49410

Ikkinchi jahon urushida fashizm ustidan qozonilgan Gʻalabaning 75 yilligi sharafiga “Ikkinchi jahon urushidagi Gʻalabaning 75 yilligi” esdalik yubiley medali taʼsis etiladi.

TOSHKENT, 21 fev – Sputnik. Mudofaa vazirligi “Ikkinchi jahon urushidagi Gʻalabaning 75 yilligini nishonlashga tayyorgarlik koʻrish va oʻtkazish toʻgʻrisida” prezident farmon loyihasini ishlab chiqdi.

Hujjat loyihasida qayd etilishicha, 1941-1945 yillardagi Ikkinchi jahon urushida fashizm ustidan qozonilgan Gʻalabaning 75 yilligi sharafiga “Ikkinchi jahon urushidagi Gʻalabaning 75 yilligi” esdalik yubiley medali taʼsis etiladi.

“Ikkinchi jahon urushidagi Gʻalabaning 75 yilligi” esdalik yubiley medali bilan Oʻzbekiston Respublikasi fuqarolari - “1941-1945 yillardagi Ulugʻ Vatan urushida Germaniya ustidan qozonilgan gʻalaba uchun” va “Yaponiya ustidan qozonilgan gʻalaba uchun” medallari bilan, urush yillarida jangovar xizmatlari uchun olingan boshqa orden va medallar bilan mukofotlangan yoki urush qatnashchisi guvohnomasiga yoxud Vatan urushi nogironi guvohnomalariga ega boʻlgan Ikkinchi jahon urushi qatnashchilari va nogironlari, shuningdek Ikkinchi jahon urushi yillarida fidokorona mehnati uchun mukofotlangan.

Shu jumladan, “1941-1945 yillar Ulugʻ Vatan urushidagi shavkatli mehnati uchun”, “Mehnatdagi jasorati uchun”, “Mehnatda oʻrnak koʻrsatganligi uchun” medallariga yoki 1941-1945 yillardagi urush davrida qurolli kuchlarda fuqaro shaxslarni erkin yollash boʻyicha shtat lavozimida boʻlganlik toʻgʻrisidagi guvohnomaga ega boʻlgan mehnat fronti qatnashchilari mukofotlanadilar.

Shuningdek, yuqorida keltirilgan shaxslarga 8 million soʻm miqdorda bir martalik pul mukofotini berish belgilangan.

Farmon loyihasida 2020 yil 1 fevraliga qadar yubiley medallarini topshirish topshirigʻi bayon etilgan.

Asosiy mavzular