15:07 24 Avgust 2019
Efir
  • RUB138.47
  • EUR10092.14
  • USD9061.00

Saida Mirziyoyeva Boʻka tumaniga tashrif buyurdi

© Foto: Saida Mirziyoyeva / Facebook
Jamiyat
Havola olish
947 0 0

Saida Mirziyoyeva Boʻka tumanida prezidentning 5ta tashabbusi doirasida amalga oshirilayotgan ishlarni koʻzdan kechirdi.

TOSHKENT, 21 apr – Sputnik. Kecha 20 aprel kuni Prezident administratsiyasi huzuridagi Axborot va ommaviy kommunikatsiyalar agentligi direktori oʻrinbosari Saida Mirziyoyeva Boʻka tumaniga tashrif buyurdi.

Facebookda joylashtirilgan xabarga asoasan, tashrifdan maqsad prezidnt Shavkat Mirziyoyevning 5ta tashabbusini amalga oshirish boʻyicha bajarilayotgan ishlarda ishtirok etish boʻlgan. 

“Bugun Oʻzbekiston Respublikasi Prezidenti SH.M.Mirziyoyevning 5 ta tashabbusini Boʻka tumanida joriy qilish boʻyicha respublika va tuman sektorlari ishchi guruhlari bilan birgalikda belgilangan ishlarni amalga oshirish jarayonida bevosita ishtirok etdim. 

Tumandagi “Boʻston” madaniyat markazi atrofida va 28-son umumtaʼlim maktabi oʻrnida oʻz ichiga 5 ta tashabbusni mujassamlantirgan kishloq maʼnaviy maʼrifiy markazlarida olib borilayotgan ishlar bilan tanishdim.

Ishchi guruh aʼzolari bilan birgalikda olib borilayotgan ishlar natijadorligi va guruh oldida turgan vazifalarni atroflicha muhokama qilib, aniq va istiqbolli strategik reja ishlab chiqish toʻgʻrisida kelishib olindi. 

Prezidentimiz ilgari surgan tashabbuslar ijrosining oʻzagi sifatida men maktablarni belgilagan boʻlar edim. Fikrimcha aynan maktablarni 5 ta tashabbus zamirida madaniyat, maʼrifat, sport va kompyuter texnologiyalari oʻchogʻi sifatida belgilab olsak maqsadga muvofiq boʻlar edi.

Bu borada oʻz taklif va mulohazalaringizni bersangiz”, - deyilan xabarda.

Eslatib oʻtamiz, Oʻzbekiston prezidenti Shavkat Mirziyoyevning beshta tashabbusi yoshlar va xotin-qizlar ravnaqiga qaratilgan boʻlib, ular quyidagilardan iborat:

1. Yoshlarning musiqa, rassomlik, adabiyot, teatr va sanʼatning boshqa turlariga qiziqishlarini oshirishga, isteʼdodini yuzaga chiqarishga xizmat qiladi.

2. Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yoʻnaltirilgan.

3. Aholi va yoshlar oʻrtasida kompyuter texnologiyalari va internetdan samarali foydalanishni tashkil etishga qaratilgan.

4. Yoshlar maʼnaviyatini yuksaltirish, ular oʻrtasida kitobxonlikni keng targʻib qilish boʻyicha tizimli ishlarni tashkil etishga yoʻnaltirilgan.

5. Xotin-qizlarni ish bilan taʼminlash masalalarini nazarda tutadi.

Asosiy mavzular