03:03 28 Yanvar 2020
Efir
  • RUB153.89
  • EUR10541.66
  • USD9563.33
Jamiyat
Havola olish
184 0 0

Qonun loyihasida ayollarga nisbatan tazyiq va zoʻravonlikning oldini olishga doir yakka tartibdagi chora-tadbirlar turlari belgilangan.

TOSHKENT, 6 may – Sputnik. Xotin-qizlar qoʻmitasi tomonidan “Ayollarni tazyiq va zoʻravonlikdan himoya qilish toʻgʻrisida” qonun loyihasi tayyorlandi.

Loyihada aytilishicha, qonun Oʻzbekiston Respublikasi fuqarolariga, Oʻzbekiston Respublikasi hududida yashovchi chet el fuqarolariga va fuqaroligi boʻlmagan shaxslarga tatbiq etiladi. Qonun maqsadlari uchun 18 yoshga toʻlmagan ayol jinsiga mansub shaxslar ham ayol deb eʼtirof etiladi.

Qonun loyihasida Vazirlar Mahkamasi, mahalliy davlat hokimiyati organlari, ichki ishlar, mehnat, taʼlim, sogʻliqni saqlash, fuqarolar oʻzini oʻzi boshqarish organlari hamda Xotin-qizlar qoʻmitasining ayollarni tazyiq va zoʻravonlikdan himoya qilish sohasidagi vakolatlari belgilangan.

Masalan, Ichki ishlar organlarining vakolatlaridan biri sifatida - 18 yoshga toʻlmagan ayol jinsiga mansub shaxslar tarbiyasi bilan shugʻullanmaydigan va ularga tazyiq oʻtkazadigan hamda zoʻravonlik sodir etadigan ota-onalarni yoki ularning oʻrnini bosadigan shaxslarni ota-onalar huquqlaridan mahrum qilish toʻgʻrisida vasiylik va homiylik organlariga taqdimnoma kiritish vakolati qayd etilgan.

“Ayollarga nisbatan tazyiq va zoʻravonlikning oldini olishga doir yakka tartibdagi chora-tadbirlar turlariga quyidagilar kiradi:

- profilaktik suhbat oʻtkazish;

- himoya orderini berish;

- tazyiq va zoʻravonlik qurbonlariga yordam koʻrsatish boʻyicha maxsus markazlarga joylashtirish.

Tazyiq va zoʻravonlikning oldini olishga doir yakka tartibdagi chora-tadbirlar qonun hujjatlariga muvofiq boshqa chora-tadbirlarni ham oʻz ichiga olishi mumkin”, - deyilgan hujjat loyihasida.

Qonun loyihasida qayd etilishicha, zoʻravonlik holati mavjud boʻlganda va boshpana berish talab qilinganda ayollarni tazyiq va zoʻravonlikdan himoya qilish sohasidagi vakolatli organlar qurbonlarning maxsus markazlariga oʻtkazilishini taʼminlaydi.

Qurbon maxsus markazga 30 kungacha boʻlgan muddatga oʻtkaziladi. Zarurat boʻlgan holda bu muddat maxsus markazning ustavida belgilangan tartibda uzaytiriladi, bundan qurbon maxsus markazda yuqorida koʻrsatilgan muddatdan uzoq boʻlishni xohlamagan hollar mustasno. Maxsus markazga joylashtirish muddati tugagach, qurbonga xavf solinayotgan boʻlsa, maxsus markaz maʼmuriyati bu haqda bunga eʼtibor qaratish uchun huquqni himoya qilish organlariga xabar qilishi shart.

Qurbon maxsus markazga joylashtirilganda uning ish joyi va oʻrtacha oylik ish haqi saqlab qolinadi.

Asosiy mavzular