09:23 12 Noyabr 2019
Efir
  • RUB148.82
  • EUR10455.03
  • USD9490.77
Kandidat meditsinskix nauk Natalya Denisova

Ekspert Oʻzbekistonda ortiqcha vaznga qarshi kurashish haqida: anʼanalarni oʻzgartirish lozim

© Foto / predostavleno Natalyey Denisovoy
Jamiyat
Havola olish
343 0 0

Oʻzbekiston notoʻgʻri ovqatlanish tufayli yuz beradigan oʻlim holatlari darajasi boʻyicha yetakchilardan. Rossiya Oziq-ovqat, biotexnologiya va xavfsizlik federal ilmiy tekshirish markazining katta ilmiy xodimi, tibbiyot fanlari nomzodi Natalya Denisova ushbu holatni bartaraf qilish uchun yoshlar va bolalar oʻrtasida turli ishlar olib borish kerak deb hisoblaydi.

Oʻzbekiston Sogʻliqni saqlash vazirligi fuqarolarni sogʻlom turmush tarziga rioya etish, toʻgʻri ovqatlanish va ortiqcha vazndan forigʻ boʻlish maqsadida jismoniy faollikka koʻproq vaqt ajratishga chorlamoqda.  

Rossiyalik ekspertning fikriga koʻra, bugungi kunda butun dunyoda semizlikka va shu sababli yuzaga kelayotgan kasalliklarga qarshi kurashish uchun ovqatlanish ratsioni qayta koʻrib chiqilmoqda.

“Shubhasiz, sogʻlom turmush tarzini targʻib qilish, yuqori jismoniy faollik va sport bilan shugʻullanish uzoq umr koʻrishga koʻmaklashadi. Toʻgʻri ovqatlanish haqida toʻxtaladigan boʻlsak, bu haqda erta yoshdan tushuntirish ishlarini olib borish kerak. Oilada, ayniqsa, taʼlim muassasalarida muvofiqlashtirilgan ratsion boʻlishi shart. Bolalarning harakatchanligi – ularning salomatligi sari qoʻyilgan yana bir qadam. Afsuski, hozir ular juda koʻp vaqtlarini kompyuter qarshisida yoki gajetlari bilan ovora boʻlgan holda oʻtkazishadi, kam harakat qilishadi”, - deya achinadi Denisova.

Shuningdek, u oilalarda dasturxonga koʻp va yogʻli taomlar tortish anʼanasi inson organizmi uchun yomon taʼsir koʻrsatishini qoʻshimcha qildi.

“Anʼanalarni oʻzgartirish juda qiyin, lekin bora-bora buni oʻzgartirish zarur. Kundalik ratsionga koʻproq vitaminlar va foydali mahsulotlarni kiritish maqsadga muvofiq”, - deya oʻz fikrini yakunladi ekspert.

Asosiy mavzular