20:02 19 Oktyabr 2019
Efir
  • RUB147.25
  • EUR10438.58
  • USD9455.24
Urok v uzbekskoy shkole

Kontsertga chiptani majburlab sotgan maktab direktori lavozimidan ozod etildi

Posolstvo Frantsii v Uzbekistane
Jamiyat
Havola olish
159 0 0

Huquqiy-nazorat xizmati xodimlarining aralashuvidan soʻng maktab direktorlari shu kungacha oʻqituvchilarga sotilgan kontsert chiptalari pullarini qaytarib berishgan.

TOSHKENT, 15 may — Sputnik. Kontsertga chiptani majburlab sotgan maktab direktori lavozimidan ozod etildi. Bu haqda Xalq taʼlimi vazirligi axborot xizmati xabar qildi.

Qayd etilishicha, Qashqadaryo viloyati xalq taʼlimi boshqarmasi, Qarshi shahar xalq taʼlimi boʻlimi rahbariyati, umumtaʼlim maktablari direktorlari hamda kontsert dasturi tashkilotchilari shaxsiy manfaatlarini koʻzlab pedagog-xodimlarni majburiy ravishda kontsertga jalb qilganliklari aniqlangan.

Jumladan, Qarshi shahri XTB tasarrufidagi 23-sonli umumtaʼlim maktabi direktori v.v.b. R.N va 19-sonli umumtaʼlim maktabi direktori S.A 35 000 soʻmlik har bir chipta sotuvidan 5000 soʻmdan oʻzlariga qolishi borasida kontsert tashkilotchisi bilan oʻzaro kelishgan. Soʻngra 100 dona kontsert chiptasini oʻqituvchilarga majburan sotishgan.

Maʼlum boʻlishicha, huquqiy-nazorat xizmati xodimlarining aralashuvidan soʻng maktab direktorlari shu kungacha oʻqituvchilarga sotilgan kontsert chiptalari pullarini qaytarib berishgan.

“Yuqorida qayd etilgan holatlar yuzasidan Qarshi shahar XTB mudiri oʻrinbosari R.Jga hayfsan intizomiy jazo chorasi berildi. 23-sonli umumiy oʻrta taʼlim maktabi direktori v.v.b. R.N egallab turgan lavozimidan ozod etildi. 19-umumtaʼlim maktabi direktori S.A. joriy yilning 8 mayidan buyon sogʻligʻi yaxshi emasligi tufayli davolanayotgani bois unga nisbatan intizomiy jazo chorasi koʻrish keyinga qoldirilgan”, - deyiladi xabarda.

Shuningdek, hozirda Qashqadaryo viloyati xalq taʼlimi boshqarmasi boshligʻi oʻrinbosari B.U. va Qarshi shahar xalq taʼlimi boʻlimi mudiri B.E.ga intizomiy jazo berish masalasi koʻrilmoqda.

Asosiy mavzular