13:18 15 Sentyabr 2019
Efir
  • RUB142.96
  • EUR10360.56
  • USD9395.63
V bolnitse

Erkaklar va ayollarda insult rivojlanishi xavfi omillari maʼlum qilindi

© Sputnik / Varvara Gertye
Jamiyat
Havola olish
622 0 0

Olimlar erkaklar va ayollarda insult rivojlanishi xavfini oshiruvchi omillarni maʼlum qilishdi.

TOSHKENT, 17 may – Sputnik. Mordoviya Davlat milliy tadqiqot universiteti olimlari erkaklar va ayollarda insult rivojlanishi xavfini  oshiruvchi  omillarni maʼlum qilishdi. Bu haqda RT tadqiqot natijalariga tayangan holda xabar berdi.

Maʼlum boʻlishicha, erkaklarda koʻpincha ateroskleroz (arteriyalarning surunkali kasalligi), tamaki chekish, ichkilikbozlik, metabolik sindrom (organizm faoliyatidagi semirishga olib keluvchi kompleks buzilishlar) va kam harakatchanlik insult rivojlanishi xavfini tugʻdiruvchi omillar hisoblanadi.

Predprinimatel vo vremya rabotы
© Flickr / datos.gob.es

Ayollarda insult rivojlanishiga eng koʻp qandli diabet, hilpiroq aritmiya, semizlik va dislipidemiya (qonda lipidlarning yuqori darajasi) taʼsir koʻrsatadi.

Shu bilan birga, gipertoniya (yuqori qon bosimi) har ikki jins vakillari uchun bir xil xavf tugʻdirishi qayd etilgan.

Shuningdek, mutaxassislar ishemik insult yosh ayollarga qaraganda yosh erkaklarda koʻproq uchrashini maʼlum qilishdi.

Rasmiy maʼlumotlarga koʻra, Rossiya 2018 yilda 840 mingga yaqin rossiyaliklar ishemik insultidan vafot etgan.

Insult — miya qon aylanishining oʻtkir buzilishi boʻlib, bu kasallik oʻchoqli yoki umumiy nevrologik belgilarning paydo boʻlishi bilan tavsiflanadi. Aritmiya – yurak urishining chastotasi, ritmi va izchilligining buzilishidir. 

Toʻsatdan zaiflik, uyqusizlik, yuz mushaklarining falajlari (odatda tananing bir tomonida), nutqni yoʻqotish, bir yoki har ikkala koʻzning koʻra olish qobiliyati buzilishi, bosh aylanishi va oʻtkir bosh ogʻrigʻi, muvozanat yoʻqolishi va yurishning keskin buzilishi insultning asosiy belgilari sanaladi.

Asosiy mavzular