08:46 26 Iyun 2019
Efir
  • RUB135.34
  • EUR9731.96
  • USD8562.34
V Uzbekistane vыbrali postavщika bodikamer iz SSHA

YPX nozirlari uchun tan-kameralar yetkazib beruvchi tanlab olindi

© MVD Uzbekistana
Jamiyat
Havola olish
175 0 0

Ichki ishlar vazirligi bir necha kameralarni sinovdan oʻtkazib, shtab-kvartirasi AQShda boʻlgan Infinecom LLC kompaniyasi mahsulotini tanlab oldi.

TOSHKENT, 23 may – Sputnik. Ichki ishlar vazirligi YPX nozirlari uchun tan-kameralari (body-camera) yetkazib beruvchi kompaniyani tanladi, deb xabar qilmoqda IIV.

Dastlabki bosqichda IIV 15 ta xorijiy va mahalliy ishlab chiqaruvchilar mahsulotlarini oʻrganib chiqib ulardan 6 tasini tanlab oldi. Bular Anico Kft, Infinecom LLC, SecureHouse, PolyTechnologies, Des Ltd, "Uzelektroapparat-Elektroщit" kompaniyalari mahsulotlari edi.

Ish sharoitida sinovdan oʻtkazilganidan soʻz Ichki ishlar vazirligi shtab-kvartirasi AQShda boʻlgan Infinecom LLC kompaniyasi mahsulotini tanlab oldi. Ushbu kompaniya Oʻzbekiston huquqni saqlash organlariga tana kameralari, maʼlumotni saqlash tizimi va Toshkent IIBB monitoring markazi uchun uskunalar yetkazib beradi.

YXP xodimlari doimiy taqib yuradigan ushbu kameralar axborotni yozib olish, saqlash, audio va video materiallarni saqlash hamda favqulodda vaziyatda yordam chaqirish uchun “trevoga” tugmachasiga ega boʻladi.

Dispetcher esa, YPX naryadlari turgan joyini aniqlash, kameraga onlayn tartibda ulanish hamda xodimlar faoliyatini nazorat qilish imkoniga ega boʻladi. Kameralarga yozib olingan materiallarni oʻchirish yoki ularni oʻzgartirishning iloji yoʻq.

Inspektorlar xizmat vaqtida kameralarni faqat 5 daqiqa hamda tushliq vaqtida yechish huquqiga ega boʻladi. Barcha yozib olingan videolar maxsus serverlarda 1 oy davomida saqlanadi.

Infinecom LLC kompaniyasining bosh ofisi AQShning Tennesi shtati Kollervill shahrida joylashgan. Uning vakolatxonalari Singapur va Oʻzbekistonda bor. Kompaniya 2011 yilda tashkil qilingan.

Eslatib oʻtamiz, 2018 yil boshida Shavkat Mirziyoyev yoʻl-patrul xizmati xodimlarini kameralar bilan jihozlash haqida topshiriq bergan edi.

Asosiy mavzular