21:57 19 Sentyabr 2019
Efir
  • RUB146.51
  • EUR10421.13
  • USD9411.30
Vrucheniye diplomov s otlichiyem vыpusknikam MGU im. M.V.Lomonosova

Toshkentda Rossiyaning yana bir universiteti filiali tashkil etildi

© Sputnik / Ramil Sitdikov
Jamiyat
Havola olish
332 0 0

Filial bitiruvchilariga Oʻzbekiston Respublikasida oliy taʼlim toʻgʻrisidagi hujjat sifatida tan olinadigan belgilangan namunadagi diplom beriladi.

TOSHKENT, 8 iyun — Sputnik. Toshkent shahrida D.I.Mendeleyev nomidagi Rossiya kimyo-texnologiya universitetining filiali tashkil etildi.

Filial faoliyatining asosiy yoʻnalishlari etib yuqori malakali muhandis-texnik kadrlarni tayyorlash, ularning malakasini oshirish va boshqalar belgilandi.

Filialda oʻquv jarayoni 2019/2020 oʻquv yilidan boshlanadi. Filialda quyidagi taʼlim yoʻnalish va mutaxassisliklarida kadrlar tayyorlanadi:

Bakalavriat taʼlim yoʻnalishlari:

- Materialshunoslik, nanomateriallar va nanotizimlar texnologiyalari;

- Materiallarga badiiy ishlov berish texnologiyasi;

- Sinetetik biologik faol moddalar, kimyo-farmatsevtika preparatlari va pardoz vositalari texnologiyasi;

- Texnologik jarayon va ishlab chiqarish xavfsizligi.

Magistratura mutaxassisliklari:

- Materialshunoslik va materiallarni korroziyadan saqlash;

- Nanomateriallar kimyoviy texnologiyasi.

Filialga qabul kvotalari manfaatdor vazirlik va idoralarning kadrlarga boʻlgan ehtiyojini hisobga olib, Universitet hamda Oliy va oʻrta maxsus taʼlim vazirligi bilan kelishgan holda tasdiqlanadi.

Davlat granti asosida taʼlim olgan Filial bitiruvchilari respublika tashkilotlariga besh yildan kam boʻlmagan muddatga majburiy ishlab berish sharti bilan ishga taqsimlanadi.

Asosiy mavzular