07:27 26 Yanvar 2020
Efir
  • RUB155.06
  • EUR10585.77
  • USD9547.05
Jamiyat
Havola olish
156010

“Dafn etish va dafn ishi toʻgʻrisida”gi Oʻzbekiston Respublikasi qonuniga qoʻshimchalar kiritish haqida” qonun loyihasi tayyorlandi.

TOSHKENT, 2 iyul – Sputnik. Sogʻliqni saqlash vazirligi “Dafn etish va dafn ishi toʻgʻrisida”gi Oʻzbekiston Respublikasi qonuniga qoʻshimchalar kiritish haqida” qonun loyihasini tayyorladi.

Loyihada aytilishicha, Oʻzbekiston Respublikasining 2010 yil 27 dekabrda qabul qilingan “Dafn etish va dafn ishi toʻgʻrisida”gi OʻRQ-276-sonli Qonuni (Oʻzbekiston Respublikasi qonun hujjatlari toʻplami, 2010 y., 52-son, 508-modda; 2017 y., 37-son, 978-modda) 8-moddasi uchinchi xatboshisi quyidagi mazmundagi jumla bilan toʻldirish nazarda tutilgan:

“Mazkur muddatning oʻtishi bilan davlat tibbiyot muassasalari, sud-tibbiy ekspertiza markazlari va patologik-anatomiya xizmati vafot etgan shaxsning talab qilib olinmagan tanasini dafn etish uchun maxsus xizmatlarga yoki taʼlim jarayonida va ilmiy tadqiqotlarda foydalanish uchun tibbiyot muassasalariga berib yuborish huquqiga ega”.

Shuningdek, hujjat loyihasida Vazirlar Mahkamasi davlat boshqaruvi organlari ushbu qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlashi,  qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlash vazifalari yozilgan.

Asosiy mavzular