07:36 21 Avgust 2019
Efir
  • RUB138.47
  • EUR10092.14
  • USD9061.00
Gosudarstvennыy flag Kirgizskoy Respubliki

Qirgʻiziston dunyoda birinchi boʻlib fuqarosizlik masalasiga nuqta qoʻydi

Sputnik
Jamiyat
Havola olish
1261 0 0

"Fuqarolik yoʻqligi holatlari aniqlangan va bu masala muvaffaqiyatli yechim topgan Qirgʻiziston dunyoga ajoyib namuna koʻrsatdi, oʻylaymanki, bu masalaga boshqalar ham eʼtibor qaratadilar", - deb aytgan BMTning qochqinlar masalalari boʻyicha Oliy komissari Filippo Grandi

TOSHKENT, 6 iyul - Sputnik. Qirgʻiziston fuqarolik yoʻqligi masalasida haqiqiy tub burilishni amalga oshirdi va dunyoning koʻplab mamlakatlari uchun namuna koʻrsatdi: besh yil ichida fuqarolikka ega boʻlmagan odamlar soni 13 ming nafardan nolgacha qisqardi. Bu haqda BMTning qochqinlar masalalari boʻyicha boshqarmasi xabar bermoqda.

Toʻrtinchi iyul kuni Bishkekda tantanali ravishda fuqarolikka ega boʻlmagan 50 kishiga, shu jumladan 15 nafar bolalarga pasport va tugʻilganlik haqidagi guvohnoma topshirildi va ular Qirgʻiziston fuqarosiga aylandilar.

Ular fuqarolik olish istagidan boʻlganlar navbatining oxirida edi va endi ushbu mamlakatda fuqarolikka ega boʻlmagan odamlar qolmadi.

Sovet Ittifoqi barham topgach, Markaziy Osiyodagi yuz minglab odamlar hech bir mamlakat fuqaroligiga ega boʻlmagan holatda qoldilar. 2014 yilda ishga tushirilgan #IBelong aktsiyasiga binoan Qirgʻiziston hukumati tomonidan fuqaroligi boʻlmagan 13 700 kishi, shu jumladan 2 ming nafar bolalarni aniqlangan va tegishli choralar koʻrilgan. #IBelong kampaniyasi 2024 yilga kelib dunyo boʻyicha fuqarolik yoʻqligi masalasiga nuqta qoʻyishga qaratilgan.

"Fuqarolik yoʻqligi holatlari aniqlangan va bu masala muvaffaqiyatli yechim topgan Qirgʻiziston dunyoga ajoyib namuna koʻrsatdi, oʻylaymanki, bu masalaga boshqalar ham eʼtibor qaratadilar", - deb aytgan BMTning qochqinlar masalalari boʻyicha Oliy komissari Filippo Grandi.

Dunyoda biror bir davlat fuqarosi boʻlmagan yoki birorta davlat fuqaroligini qabul qilmagan 10 millionga yaqin inson mavjud. Ularning 500 ming nafari Yevropa davlatlarida istiqomat qiladi. Oddiy huquqlardan mahrum bolalar ham shular qatorida.

Fuqarolikka, demakki hujjatlarga ega boʻlmagan bolalar taʼlim olish va tibbiy koʻmak olish uchun murojaat etish imkoniga ega emaslar. Ular erkin harakatlana olmaydi va koʻpincha diskriminatsiyaga roʻbaro boʻladilar.

2010 yilda Yevropa davlatlarida boshpana soʻrab murojaat qilgan bolalar soni keskin koʻpayishi oqibatida fuqarolikka ega boʻlmagan bolalar soni ham ortdi. 2017 yilda 2100 nafar shunday maqomdagi bolalar roʻyxatga olingan, bu esa 2014 yilda qochqinlar masalalari boʻyicha boshqarma tomonidan kampaniya ishga tushirilgan paytdagidan toʻrt barobar koʻpdir. Qochqinlar masalasi boʻyicha boshqarmada 1954 yildagi apatridlar maqomi toʻgʻrisidagi va 1961 yildagi fuqarosizlikni qisqartirish konventsiyalarining muhimligi haqida eslatib qoladi.

Asosiy mavzular