04:35 09 Avgust 2020
Efir
  • RUB137.46
  • EUR12021.09
  • USD10209.86
Jamiyat
Havola olish
126 0 0

“Sudochye koʻlida 278 gektar qamishzor chaqmoq natijasida yongan, boshqa fakt yoʻq, axir birov kamondan olovli oʻq otmagandir” — Ekologiya qoʻmitasi.

TOSHKENT, 9 iyul - Sputnik. Axborot va ommaviy kommunikatsiyalar agentligida “Daraxtlarni noqonuniy kesishning oldini olish va tabiatni muhofaza qilish muammolari” mavzusida brifing va jurnalistlar bilan ochiq muloqot boʻlib oʻtdi.

Unda poytaxt va viloyat hududlari yashil maydonlarining yangilanish jarayoni ketayotgani, daraxtlarni noqonuniy kesish hali ham kuzatilayotgani va bugun bu borada nazoratni kuchaytirish lozimligi taʼkidlandi. Shahar hududida daraxtlarni atmosferaning ifloslanish darajasiga qarab ekish ilmiy asoslangan boʻlishi kerak ekani qayd etildi. Masalan, yoʻlovchi yoʻlaklari boʻylab “tirik devor” hosil qiladigan butalar oʻstirish natijasida transport shovqini, changning oldini olish mumkinligi aytildi.

Jurnalistlardan biri muxbiri Qoraqalpogʻiston Respublikasi Muynoq tumanining Sudochye koʻli hududidagi qurigan qamishzorlarda yongʻin kelib chiqishi oqibatida qancha maydon yonganini soʻradi.

“Sudochye koʻlining umumiy hajmi 50 ming gektarni tashkil etadi, — dedi Ekologiya va atrof-muhitni muhofaza qilish davlat qoʻmitasi inspektsiya boshligʻi Oʻlmas Sobirov. — Yongʻin natijasida shu hududdagi jami 278 gektar qamishzor yongan”.

Bu holatni oʻsha yerda boʻlib turgan sayyoh xabar qilgani tasdiqlandi. Qoʻmita vakili yongʻin sabablari haqidagi savolga javob berdi.

“Olovning kelib chiqishi va maydonga yoyilishi haqida aniq xulosalar bor, — dedi Oʻlmas Sobirov. — Yongʻin chaqmoqdan chiqqan, boshqa fakt yoʻq. Axir oʻzingiz oʻylab koʻring, koʻl ichida juda katta radiusga ega qamishzor yonyapti, qanday omil sababli olov chiqishi mumkin? U yoqqa oyoq qoʻyolmaysiz, qayiq bilan borolmaysiz. Qamishzorga faqat vertolyot qoʻnishi mumkin. Birov chetdan turib, kamondan olovli oʻq otmagandir?! Xullas, sabab — chaqmoq. Qamish uchidagi momiq poʻpanaklar juda tez yonadi, bilasizlar, uchqun chiqqandan soʻng shamol taʼsirida olov birdaniga yoyilib ketgan”.

Asosiy mavzular