12:39 25 Yanvar 2020
Efir
  • RUB155.06
  • EUR10585.77
  • USD9547.05
Jamiyat
Havola olish
200 0 0

Bandlik va mehnat vazirligi OʻzA tomonidan eʼlon qilingan “Sahnalashtirilgan qabul” haqidagi maqolaga javob qaytardi.

TOSHKENT, 10 iyul – Sputnik. Banlik va mehnat vazirligi OʻzA tomonidan 1 iyul kuni eʼlon qilingan “Sahnalashtirilgan qabul” yoki Bandlik va mehnat munosabatlari vaziri Fargʻona viloyatiga nega kelgandi? - sarlavhali maqolaga oʻz munosabatini bildirdi. Quyida ushbu javobni toʻlaligicha keltiramiz. 

Ministr truda Sherzod Kudbiyev provel vыezdnoy priyem v Fergane
Press-slujba ministerstva truda Uzbekistana

“OʻzA” axborot agentligi tomonidan 2019 yil 1 iyul kuni eʼlon qilingan maqolasida keltirilgan maʼlumotlarni oʻrganish yuzasidan Bandlik va mehnat munosabatlari vazirining Xizmat tekshiruvi oʻtkazish toʻgʻrisidagi buyrugʻi qabul qilinib, keltirilgan har bir holat Ishchi guruhi tomonidan joyiga chiqqan holda atroflicha oʻrganildi.

Oʻrganish natijasida quyidagilar aniqlandi:

1. Muminova Ziroatxon boʻyicha keltirilgan maʼlumotlar oʻz tasdigʻini topmadi. (Maʼlumot uchun – Z.Muminovaning murojaati, uning turmush oʻrtogʻi Moʻminov Olimjonni tuman Obodonlashtirish boshqarmasiga Qoʻqon tuman Aholi bandligiga koʻmaklashish markazi tomonidan berilgan yoʻllanmaga koʻra 28.06.2019 yildagi №65/1-sonli buyruq asosida ishchi vazifasiga ishga joylashtirilganligi bilan hal qilingan).

Mintrud
Vыezdnoy priyem ministra truda v Fergane

2. Mirzamatova Gulbaxor boʻyicha keltirilgan maʼlumotlar oʻz tasdigʻini topmadi. (Maʼlumot uchun – G.Mirzamatovaning murojaati Oltiariq tuman Aholi bandligiga koʻmaklashish markazi tomonidan berilgan yoʻllanma asosida Oltiariq tumani Shoshilinch tez tibbiy yordam boʻlimiga 28.06.2019 yildagi №135-sonli buyruq asosida sanitarka vazifasiga ishga joylashtirilganligi bilan hal qilingan).

3. Zarifa Xolmuhamedova va Ziyoda Shamsutdinova toʻgʻrisidagi maʼlumotlar oʻz tasdigʻini topdi. (Maʼlumot uchun – Margʻilon shahar aholi bandligiga koʻmaklashish markazining rahbariyati masʼul xodimlari tomonidan koʻzboʻyamachilik holatiga yoʻl qoʻyilgan).

Ushbu holat bevosita mehnat organlarining masʼuliyati va bu biz uchun juda ayanchli holat.

4. Sayyor qabulni tashkil etish va oʻtkazishda koʻzboʻyamachilik va xatolikka yoʻl qoʻygan Aholi bandligiga koʻmaklashish markazlari masʼul rahbar va xodimlariga nisbatan Oʻzbekiston Respublikasi Mehnat Kodeksida belgilangan intizomiy jazo choralari qoʻllanildi.

Kelgusida bunday holatlarni oldini olish maqsadida mazkur masala Bandlik va mehnat munosabatlari vazirligining navbatdagi Hayʼat yigʻilishi kun tartibi muhokamasiga kiritildi.

Maʼlumot oʻrnida Oʻzbekiston Respublikasi Bandlik va mehnat munosabatlari vazirining Fargʻona viloyatida tashkil etilgan sayyor qabulida jami murojaat etgan 53 nafar fuqarolardan 37 nafarining murojaati ijobiy hal etilgan.

Xususan, murojaat qilgan fuqarolarning 22 nafari doimiy ishga joylashtirilgan, 7 nafari haq toʻlanadigan jamoat ishlariga jalb etilgan, 5 nafariga oʻz tadbirkorligini boshlash uchun kredit olish masalasida tavsiyalar berilgan (bank bilan bogʻliq masalalar nazoratga olingan), 1 nafar fuqaroga shaxsiy tomorqasida issiqxona qurish uchun subsidiya ajratishga hujjatlari rasmiylashtirilgan.

Mintrud
Vыezdnoy priyem ministra truda v Fergane

1 nafar fuqaro kasbga yoʻnaltirilgan. Xususiy Bandlik Agentligi  faoliyatidan norozi 1 nafar fuqaroning toʻlagan pullari undirib berildi.

2 nafar fuqaroning murojaati qalbakilashtirilganligi uchun asossiz deb topildi. 

Qolgan 14 nafar fuqaroning murojaatlarini hal qilish, ularni ishga joylashtirish masalasi yuzasidan joyida masʼul xodimlarga tegishli topshiriqlar berilgan va ijrosi boʻyicha muddatlar belgilangan.

Bandlik va mehnat munosabatlari vazirligining matbuot xizmati

Asosiy mavzular