13:31 08 Dekabr 2019
Efir
  • RUB147.79
  • EUR10476.36
  • USD9510.99

IIV Imon Karimova uchun Instagram᾽dagi xabarlarni kim tayyorlashiga oydinlik kiritdi

Instagram
Jamiyat
Havola olish
783 0 0

IIV Imon Karimovaga G.Karimovaning jazoni ijro etish koloniyasidagi holati yuzasidan internet tarmoqlarida nashr etilgan materiallar haqida savol berdi.

TOSHKENT, 11 iyul – Sputnik. Imon Karimova Instagram sahifasidagi qoldirayotgan xabarlari xususidagi savollariga javob berdi. Bu haqda IIV xabar qilmoqda.

Gulnora Karimovaga Oʻzbekiston Respublikasi Jinoyat-ijroiya kodeksining 76-moddasida koʻzda tutilgan huquqlarini toʻlaqonli taʼminlash maqsadida qizi Imon Karimova bilan 2019 yilning 7 iyul kunidan 10 iyul kuniga qadar uzoq muddatli uchrashuv berilgan.

Maʼlum qilinishicha, uchrashuvdan soʻng fikr va taassurotlarini oʻrganish maqsadida Imon Karimova bilan suhbat oʻtkazilgan.

Suhbat davomida u onasi Gulnora Karimovaning ayni paytda sogʻligidan shikoyati yoʻqligini, zarur hollarda muassasa tibbiyot boʻlimi xodimlari tomonidan oʻz vaqtida alohida eʼtibor qaratilayotganligi, onasiga nisbatan Oʻzbekiston hukumati tomonidan hech qanday bosim oʻtkazilmayotganligini bildirgan.

“G.Karimovaning jazoni ijro etish koloniyasidagi holati yuzasidan internet tarmoqlarida nashr etilgan materiallar haqida Imon Karimovadan soʻralganda, haqiqatdan ham “Instagram”dagi “iman.k17” sahifasi unga tegishli ekanligini, ammo onasi G.Karimova bilan bogʻliq materiallar ushbu sahifaga boshqa shaxslar tomonidan tayyorlanishini maʼlum qildi”, - deyiladi xabarda.

Eslatib oʻtamiz, iyul oyining boshida shveytsariyalik advokat Greguar Manja Gulnora Karimovaning qamoqxonada ogʻir ahvolda saqlanayotganini roʻkach qilib, Shveytsariya sudi tomonidan Oʻzbekistonga qaytarilishi kerak boʻlgan 555 million dollarni toʻxtatib qoʻygan edi.

Bunga javoban, Oʻzbekiston Adliya vazirligi vakillari 3-4 iyul kunlari  21-sonli ayollar jazoni oʻtash Koloniyasida boʻlib, Gulnora Karimova qamoq jazosini oʻtash holatini batafsil oʻrganib chiqdi.

Oʻrganish natijasida G. Karimova qamoqxonada qonun boʻyicha mahbuslar uchun ruxsat berilgan barcha huquqlardan foydalanayotgani maʼlum boʻlgan.

Oʻzbekiston Birinchi prezidentining qizi Gulnora Karimova 2015 yilning avgustida bir qator iqtisodiy jinoyatlarda aybdor deb topilgan va 10 yillik qamoq jazosiga mahkum etilgan edi. Bosh prokuratura Gulnora Karimovaning 12 xorijiy mamlakatda jami 1,5 milliard dollar mol-mulki borligini aniqlagan. Shundan eng kattasi qismi – 800 million dollarlik mulk Shveytsariyada saqlanadi

Asosiy mavzular