TOShKENT, 11-iyul – Sputnik. O‘zbekiston Oliy Sudi sobiq deputati Samandar Qo‘qonovning arizasiga binoan uni to‘liq reabilitatsiya (oqlash) qilish haqidagi arizasini ko‘rib chiqdi, deb xabar qilmoqda Oliy Sud matbuot xizmati.
Ushbu yilning 12-iyun kuni O‘zbekiston Oliy sudining Jinoyat ishlari bo‘yicha kollegiyasi sobiq O‘zSSR Oliy Kengashi deputati Samandar Qo‘qonovning 22-aprel kuni topshirilgan kassatsion arizasini ko‘rib chiqdi. Sud kollegiyasi qaroriga ko‘ra, Jinoyat ishlari bo‘yicha O‘zbekiston Oliy sudining 1994-yilning 23-avgustidagi qaroriga o‘zgartirish kiritildi.
Sud kollegiyasi o‘z qarori bilan S. Qo‘qonovga qo‘yilgan ayrim ayblovlarni olib tashladi, ba’zi moddalar bo‘yicha qo‘yilgan ayblovlar o‘z kuchida qoldirildi. O‘zbekiston Respublikasi JKning 1994-yildagi tahririga binoan S.Qo‘qonovga 20-yil qamoq jazosi belgilandi.
“S.Qo‘qonov qamoq jazosini to‘liq o‘tab bo‘lganligini hisobga olib, sud qarorining qolgan qismi o‘zgarishsiz qoldirildi”, - deyilgan xabarda.
Eslatib o‘tamiz, 74 yoshli Samandar Qo‘qonov 1994-yilda 20-yil qamoq jazosiga mahkum qilingan edi. 2016-yilning oktabr oyida S. Qo‘qonov ozodlikka chiqarildi.
