O‘zbekistonda hokimiyat vakiliga nisbatan zo‘rlik ishlatganlar qanday jazolanadi?

© Sputnik / Yevgeniy Biyatov / Mediabankka o‘tishPrestupnik za reshetkoy
Prestupnik za reshetkoy - Sputnik O‘zbekiston
Obuna bo‘lish
Ijtimoiy tarmoqlarda kasb vazifasini bajarayotgan shaxslarga nisbatan ayrim fuqarolar tomonidan kuch ishlatish holatlari aks etgan videoyozuvlar tarqalmoqda. Bunday holatda qonunchilikda qanday javobgarlik ko‘zda tutilgan?

TOShKENT, 12-iyul – Sputnik. O‘zbekiston Adliya vazirligi o‘z xizmat yoki fuqarolik burchini bajarayotgan shaxslarga nisbatan noqonuniy harakatlarni sodir etgan fuqarolarni qanday jazo kutishi eslatib o‘tdi.

Sirdaryoda qarzdor MIB xodimini kaltakladi

Bu kabi holatlar mamlakatda bot-bot quloqqa chalinib turadi. Misol tariqasida aytadigan bo‘lsak, kuni kecha Jizzax viloyatida fuqaro YXHB xodimining pogonini yulib olib, uni urib, bo‘yin sohasi va chap yelka sohasiga tan jarohati yetkazdi. Surxondaryoda esa ikkovlon MIB xodimlarini do‘pposlab, xizmat faoliyatini bajarishdan voz kechishga majbur qildi. Bunday holat Andijonda ham kuzatildi. Fuqaro davlat inspektorini boshiga urib, tan jarohati yetkazdi. Yuqorida sanab o‘tganlarimiz hammasi emas.

Toshkent viloyatida militsiya xodimiga "kalla qo‘ygan" fuqaro qo‘lga olindi

Xususan, bunday noqonuniy harakatlarni sodir etgan shaxslarga nisbatan:

- qasddan odam o‘ldirish jinoyatini sodir etish – 15-yildan 25-yilgacha ozodlikdan mahrum qilish yoki umrbod ozodlikdan mahrum qilish bilan;

- qasddan badanga og‘ir shikast yetkazish – 5-yildan 8-yilgacha ozodlikdan mahrum qilish bilan;

- qasddan badanga o‘rtacha og‘ir shikast yetkazish – 3-yildan 5-yilgacha ozodlikni cheklash yoxud uch yildan besh yilgacha ozodlikdan mahrum qilish bilan;

- o‘ldirish yoki zo‘rlik ishlatish bilan qo‘rqitish – 300 soatdan 360 soatgacha majburiy jamoat ishlari yoki 2-yildan 3-yilgacha axloq tuzatish ishlari yoxud 1-yildan 3-yilgacha ozodlikni cheklash yoki 1-yildan 3-yilgacha ozodlikdan mahrum qilish bilan;

- haqorat qilish – eng kam oylik ish haqining 400 baravaridan 600 baravarigacha miqdorda jarima yoki 2-yildan 3-yilgacha axloq tuzatish ishlari yoxud 1-yilgacha ozodlikni cheklash yoki 1-yilgacha ozodlikdan mahrum qilish bilan jazolanadi.

Yangiliklar lentasi
0