15:07 23 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
35510

“Million” guruhining doimiy aʼzolariga kontsert-tomosha faoliyatini amalga oshirish huquqi beruvchi litsenziya reytingining 2-guruhi berilib, ularning har biriga yillik 19 867 540 soʻmdan davlat boji uchun toʻlovlarni amalga oshirilishi belgilandi.

TOSHKENT, 12 iyul – Sputnik.Oʻzbekkontsert” davlat muassasasi “Million” guruhi ijodiy jamoasiga rasmiy ogohlashtirish xatini eʼlon qildi.

Unga koʻra, Oʻzbekiston Vazirlar Mahkamasining 2015 yil 9 dekabrdagi 354-sonli qarori bilan tasdiqlangan “Kontsert-tomosha faoliyatini litsenziyalash toʻgʻrisida”gi Nizomga muvofiq, Ijodiy koʻmaklashuvchi vakillar guruhi tomonidan joriy yilning 25 iyundagi navbatdagi yigʻilishida Oʻzbekiston va uning tashqarisida kontsert dasturlarini muntazam ravishda oʻtkazib kelayotganligi bois “Million” guruhining doimiy aʼzolariga kontsert-tomosha faoliyatini amalga oshirish huquqi beruvchi litsenziya reytingining 2-guruhi berilib, ularning har biriga yillik 19 867 540 soʻmdan davlat boji uchun toʻlovlarni amalga oshirilishi belgilandi. 

 “Shu bois, Muassasaga kontsert oʻtkazish uchun taqdim etilgan kontsert stsenariysida koʻrsatilgan “Million” guruhi ijodiy jamoasi aʼzolari (Davron Kabulov, Mirkomil Musayev, Alisher Batirov, Maʼruf Nosirov, Nigʻmatjon Oʻtkirov, Feruza Normatova, Umidjon Haydarov) litsenziyalari uchun har biriga alohida yillik 19 867 540 soʻmdan, kontsert dasturidagi “Shovvozlar” guruhi va qolgan aʼzolarga esa (ushbu toʻlov ishtirokchilar sonidan va muassasaga toʻlangan soʻmdan kelib chiqib qayta hisoblanadi) reytingning 4-guruhi boʻyicha har biriga alohida yillik 8 109 200 soʻmdan miqdoridagi toʻlovlar toʻlanishi maʼlum qilinadi.

Yuqoridagilarni inobatga olgan holda Sizdan ijodiy jamoangiz litsenziyalari uchun (umumiy 13 nafar aʼzolarga) yillik jami 187.727.980 soʻm davlat bojini “Oʻzbekkontsert” davlat muassasasining maxsus hisob raqamiga joriy yilning 16 iyuliga qadar toʻlashingiz soʻraladi.    

Aks holda, Muassasa va “BRAVO MUSIC” MCHJ yaʼni, (“Million”) guruhi ijodiy jamoasi oʻrtasida tuzilgan litsenziya shartnomasi bekor qilinadi”, - deyilgan xabarda.

Asosiy mavzular