06:31 26 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
128 0 0

Agentlik xodimlariga Qishloq xoʻjaligi vazirligi markaziy apparati xodimlari uchun belgilangan mehnatga haq toʻlash, moddiy ragʻbatlantirish va ijtimoiy himoya shartlari tatbiq etiladi.

TOSHKENT, 23 iyul – Sputnik. “Yaratilayotgan mahalliy navlar, xorijiy davlatlardan import qilinayotgan nav va duragaylarni sinovdan oʻtkazish va davlat reyestriga kiritish ishlarini tubdan takomillashtirish toʻgʻrisida” prezident qarori loyihasi umumiy muhokamaga qoʻyildi.

Ushbu qaror loyihasida aytilishicha, Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazi Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi ekinlari navlarini sinash va muhofaza qilish agentligi etib qayta tashkil etiladi.

Agentlikning asosiy vazifalari:

- mahalliy va xorijiy mamlakatlarda yaratilgan qishloq xoʻjaligi ekinlarining yangi navlari boʻyicha sinov ishlarini amalga oshirish;

- qishloq xoʻjaligi ekinlarining yangi navlari boʻyicha selektsiya yutuqlarini muhofaza qilish;

- Oʻzbekiston Respublikasi hududida ekish uchun tavsiya qilingan qishloq xoʻjaligi ekinlarining davlat reyestrini yuritish;

- qishloq xoʻjaligi ekinlari navlari sinovini oʻtkazishni uslubiy taʼminlash;

- qishloq xoʻjaligi ekinlari navlarini sinash va muhofaza qilish sohasida xalqaro hamkorlikni kuchaytirish, bu borada oʻzaro tajriba almashishni yoʻlga qoʻyish;

- qishloq xoʻjaligi ekinlari navlarini sinash va muhofaza qilish boʻyicha kadrlarning malakasini oshirish.

“Agentlik direktori Oʻzbekiston Respublikasi qishloq xoʻjaligi vaziri tomonidan lavozimga tayinlanadi va lavozimidan ozod etiladi, shuningdek, maqomi, mehnatga haq toʻlash, tibbiy va transport xizmati koʻrsatish shartlari boʻyicha vazir oʻrinbosariga tenglashtiriladi”, - deyilgan hujjatda.

Asosiy mavzular