06:05 26 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
202 0 0

2021 yildan boshlab joriy etilishi rejalashtirilayotgan majburiy tibbiy sugʻurta tizimi - tibbiy xizmatlar sifatini oshirish va byudjet mablagʻlarini tejashga qaratilgan.

TOSHKENT, 23 iyul – Sputnik. Oʻzbekistonda majburiy tibbiy sugʻurta uch bosqichda, 2021, 2023 va 2025 yillarda joriy etiladi. Bu haqida majburiy tibbiy sugʻurta mexanizmlarini joriy etish haqidagi prezident qarori loyihasida aytib oʻtilgan, deb xabar qilmoqda Norma.uz. 

Normativ – huquqiy hujjatlarni muhokama qilish portalida joylashtirilgan prezident qarori loyihasiga koʻra, Oʻzbekistonda majburiy tibbiy sugʻurta mexanizmi 2021 yildan boshlab ommaviy tartibda joriy etila boshlanadi.

Majburiy sugʻurta 2021 yilda boshlanadigan birinchi bosqichda tajriba tariqasida Sirdaryo viloyatida joriy etiladi. 2023 yildan Qoraqalpogʻiston respublikasi, Toshkent, Samarqand, Navoiy, Surxondaryo va Fargʻona viloyatlarida joriy etiladi. 2025 yildan boshlab esa – butun Oʻzbekiston boʻylab amal qiladi.

Vazirlar Mahkamasi qaramogʻida Ixtiyoriy tibbiy sugʻurta fondi tashkil qilinadi. Uning filiallari Toshkent shahri va Qoraqalpogʻiston respublikasida ishlay boshlaydi.

Ushbu fondning asosiy vazifasi etib – aholini tibbiy sugʻurta qilish loyihasini amalga oshirish, sugʻurta badallarini jamlash va boshqarish – belgilangan.

Ushbu yoʻnalishda Oʻzbekiston Sogʻliqni saqlash vazirligi jahaon tajribasini oʻrganib chiqib, JST ekspertlari hamda Janubiy Koreyaning Milliy tibbiy sugʻurta xizmati vakillari bilan maslahatlashgan va tajribasini oʻrgangan.

Oʻzbekistonda majburiy tibbiy sugʻurta tizimini tashkil qilish kontseptsiyasi 2018 yilning dekabr oyida prezident Shavkat Mirziyoyev tomonidan tasdiqlangan edi. Ushbu sohada rejalashtirilayotgan islohotlar aholining tibbiy xizmatlarga boʻlgan ehtiyojini qondirib,  sohaga moliyaviy resurslarni jalb qilish va ularni samarali xarajat qilishga qaratilgan.

Asosiy mavzular