07:17 26 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
46110

Zamonaviy gaz elektron hisoblagichlarini ishlab chiqarishni yoʻlga qoʻyish boʻyicha “Artel” kompaniyasi bilan muzokaralar olib borilmoqda.

TOSHKENT, 25 iyul – Sputnik. Kecha Axborot va ommaviy kommunikatsiyalar agentligining anjumanlar zalida “Oʻztransgaz” AJ mutasaddilari ishtirokida "Mamlakatda isteʼmolchilarni elektr energiyasi, shuningdek, tabiiy va suyultirilgan gaz bilan uzluksiz taʼminlash masalalari" mavzusida ochiq muloqot boʻlib oʻtdi.

Dobыcha gaza
© Sputnik / Aleksey Nikolskiy

Tadbir davomida mutasaddilar tabiiy gaz isteʼmolchilarini bir maromda tabiiy gaz bilan taʼminlashda viloyat gaz taʼminot boshqarmalarining gaz xoʻjaligini 2019-2020 yillar kuzgi-qishgi mavsumga tayyorlash, gaz quvurlarini mukammal taʼmirlash va rekonstruktsiya qilish masalalari yuzasidan maʼlumot berishdi.

“Hukumatimiz tomonidan joriy yil boshida respublika gaz taʼminotini yanada yaxshilash boʻyicha belgilab berilgan aniq yoʻnalishlar asosida olib borilgan ishlar natijasida oʻtgan yilning kuz-qish davrida 217 ming 563 ta aholi xonadonlarida tabiiy gaz taʼminoti boʻyicha yuzaga kelgan muammolar barataraf qilinib, ahvol yaxshilandi, dedi jamiyat boshqaruv raisi oʻrinbosari Muratilla Boshmanov.

Bundan tashqari, gaz taqsimoti tizimidagi nuqsonlarni bartaraf etish, tabiiy gazni isteʼmolchilarga yetkazib berish jarayonidagi texnologik yoʻqotishlar hajmini kamaytirish, zamonaviy gaz jihozlari va energiyatejamkor texnologiyalarni tadbiq etish maqsadida “Oʻztransgaz” AJ tomonidan gaz taqsimoti tizimiga yangi standartlar joriy etilmoqda.

Boshmanov soʻzlariga koʻra, rivojlangan davlatlar tajribasidan kelib chiqib, gaz taqsimotini 3-bosqichli tizimdan (yuqori, oʻrta, past) 2 bosqichli (yuqori,past) tizimga oʻtkazish boʻyicha amaliy ishlar olib borilyapti.

Uchastok magistralnogo gazoprovoda
© Sputnik / Grigoriy Sыsoyev

2019 yilda respublika boʻyicha isteʼmolchilariga jami 468 046,0 tonna suyultirilgan gaz yetkazib berish rejalashtirilgan. Joriy yil yanvar-iyun oylarida 232 136,0 tonna suyultirilgan gaz yetkazib berish rejalashtirilgan boʻlib, amalda 227 185,2 tonna (97,9%), yoki rejaga nisbatan 4 950,8 tonna kam suyultirilgan gaz yetkazib berilgan. Joriy yilning 3-choragida 117 490,0 tonna va 4-choragida 118 420,0 tonna suyultirilgan gaz yetkazib berilishi kutilmoqda.

Aktsionerlik jamiyati mutasaddilarining soʻzlariga koʻra, zamonaviy gaz elektron hisoblagichlarini ishlab chiqarishni yoʻlga qoʻyish boʻyicha “Artel” kompaniyasi bilan muzokaralar olib borilmoqda.

Kelgusida shartnoma tuzilib, respublika aholisini zamonaviy gaz elektron hisoblagichlari bilan taʼminlash koʻzda tutilgan. Gaz hisoblagichlari 3,4 mln isteʼmolchiga “Oʻztransgaz” AJ oʻz mablagʻlari tomonidan oʻrnatiladi. Gaz elektron hisoblagichlari bosqichma-bosqich oʻrnatilib, birinchi bosqichda Toshkent shahri va Toshkent viloyatida ishlar olib boriladi va isteʼmolchilarga zamonaviy gaz elektron hisoblagichlari oʻrnatiladi.

Asosiy mavzular