19:43 16 Oktyabr 2019
Efir
  • RUB147.25
  • EUR10438.58
  • USD9455.24

Mehnat vaziri majburiy mehnatning hashardan farqini tushuntirdi

© Fb
Jamiyat
Havola olish
52630

Mehnat vaziri qachon “hashar”, qachon “majburiy mehnat” boʻladi degan savolga javob berdi.

TOSHKENT, 1 avg – Sputnik. Bugun Xalqaro press-klubda “Oʻzbekistonda odam savdosi va majburiy mehnatga qarshi kurashishning yangi tizimi: xalqaro hamkorlik, ustuvor vazifalar va muammolar tahlili” mavzusida sessiya oʻtkazildi.

Unda Bandlik va mehnat munosabatlari vaziri Sherzod Kudbiyev “hashar” va “majburiy mehnat” farqini tushuntirib berdi, deb xabar qildi Sputnik Oʻzbekiston muxbiri.

“Qachon hashar boʻladi, qachon majburiy mehnat boʻladi? deb aytilsa. Bu guyoki biz hasharni legallashtirib qoʻymoqchimiz. Bunday emas. Hashar bu bizning urf-odatimiz, albatta biz hasharga chiqqanmiz. Lekin u yerda majburlash alomati boʻlsa, katta miqdorda odamlarni bir qandaydir mobilizatsiya masalasi boʻlsa, bu hech qanday hashar emas”, - dedi vazir.

Vazir xodimni ishdan boʻshatish, oylikni kamaytirish yoki mukofotdan mahrum etish bilan qoʻrqitish yoki lavozim boʻyicha oʻsishda toʻsqinlik qilish va boshqa istalgan turdagi majburlash alomatlarini misol tariqasida sanab oʻtdi.

“Hozirgi bilib turibmiz, men bandlik vaziri sifatida, menga prezident shuncha vakolat berganlaridan keyin, chet ellik hamkasblarimiz oldida baralla aytishimiz kerak. Hashar bu Oʻzbekiston kelajagi emas. Hashar - Oʻzbekiston va hukumati siyosati emas bu. Bunday hashar bilan qilingan, majburiy yoʻl bilan qilingan narsa biz uchun kerak emas”, - deb taʼkidladi vazir.

Vazirning soʻzlariga koʻra, hashar faqatgina Oʻzbekiston prezidenti yoki Oʻzbekiston hukumatining qarori bilan oʻtkaziladi.

“Oʻzbekistonda odatda ikki marta oʻtkaziladi. Navroʻz va Mustaqillik bayrami oldidan hashar oʻtkaziladi. Lekin boshqa paytlar hech qanday hashar yoʻq”, - dedi Kudbiyev.  

Vazir mahallalarda jamoatchilik nazoratini kuchaytirish kerakligini aytib oʻtdi.

“Ish beruvchilar diqqatiga aymoqchimanki, oʻz xodimlarini hasharga chiqmadi deb qandaydir kamsitish, oyligini kamaytirish yoki lavozimidan ozod etishga yoʻl qoʻyilmaydi. Aynan shunday holatlar majburiy mehnat deb baholanadi. Nasib qilsa, bu masalada jinoiy javobgarlik kiritiladi”, - deb qoʻshimcha qildi vazir.     

Asosiy mavzular