14:55 26 Avgust 2019
Efir
  • RUB138.47
  • EUR10092.14
  • USD9061.00
Rabota za kompyuterom

Andijonda turmushidan ajragan ayollar roʻyxati yuzasidan qoʻshma bayonot berildi

© Pixabay
Jamiyat
Havola olish
144 0 0

Kuni kecha ijtimoiy tarmoqlarda Andijon shahar xalq taʼlimi boʻlimi tasarrufidagi maktablarda ishlovchi 25 — 35 yoshdagi, turmushga chiqmagan va turmushidan ajragan ayollarning alohida roʻyxati yuritilishiga oid maʼlumot paydo boʻlgandi.

TOSHKENT, 13 avg - Sputnik. Xotin-qizlar qoʻmitasi va Xalq taʼlimi vazirligi Andijonda xalq taʼlimi sohasidagi ayollarning “sirli roʻyxati” yuzasidan qoʻshma bayonot berdi

Qayd etilishicha, ikki vazirlik birgalikda mazkur voqelikni jiddiy oʻrganib chiqqan. Maʼlum boʻlishicha, bu roʻyxat Andijon shahar xalq taʼlimi boʻlimi tomonidan viloyatdagi huquqni muhofaza qilish organlariga ishga qabul qilishda suhbatga chaqirish uchun tuzilgan boʻlib, huquqni muhofaza qiluvchi organlarda ayol xodimlar, xususan, pedagoglar sonini oshirish maqsadida ishlab chiqilgan.

Roʻyxatda qayd etilgan ayollar roziligi olingan holda suhbatga yuborilgan, huquqni muhofaza qiluvchi organlarda ishlashni xohlamaganlar esa roʻyxatdan oʻchirilgan va suhbatga chaqirilmagan.

“Oʻzbekiston Xotin-qizlar qoʻmitasi mazkur roʻyxatning tuzilishiga mutlaqo aloqasi yoʻqligiga qaramay, jamoatchilik oldida masʼuliyatni his qilgan holda, tegishli idoralar bilan birgalikda yuqoridagi savollarga javob izladi”, - deyiladi xabarda.

Xabarda ushbu roʻyxatdagi ayollar masalasida aholining vahimaga tushishiga oʻrin yoʻqligi qoʻshimcha qilingan.

Avvalroq ijtimoiy tarmoqlarda Andijon shahar xalq taʼlimi boʻlimi tasarrufidagi maktablarda ishlovchi 25 — 35 yoshdagi, turmushga chiqmagan va turmushidan ajragan ayollarning alohida roʻyxati yuritilishiga oid maʼlumot paydo boʻlgandi.

Asosiy mavzular