13:54 01 Aprel 2020
Efir
  • RUB121.10
  • EUR10637.67
  • USD9554.22
Jamiyat
Havola olish
482 0 0

“Fuqarolar va tadbirkorlik subʼyektlarining mulk huquqi kafolatlanishini taʼminlash hamda yer uchastkalarining olib qoʻyish va mulkdorlarga yetkazilgan zararlarni qoplash tartibi toʻgʻrisida”gi hukumat qarori loyihasi muhomaga qoʻyildi.

TOSHKENT, 2 sen – Sputnik. Moliya vazirligi “Fuqarolar va tadbirkorlik subʼyektlarining mulk huquqi kafolatlanishini taʼminlash hamda yer uchastkalarining olib qoʻyish va mulkdorlarga yetkazilgan zararlarni qoplash tartibi toʻgʻrisida”gi hukumat qarori loyihasini tayyorladi.

“Yer uchastkasi yoki uning bir qismini davlat va jamoat ehtiyojlari hamda boshqa maqsadlar uchun olib qoʻyish yer egasining hamda yerdan doimiy foydalanuvchining roziligi bilan Qoraqalpogʻiston Respublikasi Joʻqorgʻi Kengesi, halq deputatlari viloyatlar va Toshkent shahar, tumanlar va shaharlar Kengashlarining qarori asosida yoxud Oʻzbekiston Respublikasi Vazirlar Mahkamasining qaroriga muvofiq amalga oshirilishi belgilansin”, - deyilgan hujjatda.

Davlat va jamoat ehtiyojlari hamda boshqa maqsadlar uchun yer uchastkalarini olib qoʻyilishi munosabati bilan jismoniy va yuridik shaxslarga tegishli boʻlgan turar hamda noturar joy obʼyektlarini buzish toʻgʻrisida qaror, obʼyektning bozor qiymati va olib qoʻyilishi sababli mulkdorga yetkazilgan zararning oʻrni toʻliq qoplanganidan keyin qabul qilinadi.

Loyihada aytilishicha, Davlat va jamoat ehtiyojlari hamda boshqa maqsadlar uchun yer uchastkalarining olib qoʻyilishi munosabati bilan fuqarolarga va yuridik shaxslarga yetkazilgan zararlarni oʻrnini mol-mulk berish, yer ajratish yoki markazlashgan jamgʻarmalar hisobidan mablagʻ ajratish orqali toʻliq qoplanishini taʼminlash maqsadida xodimlarning belgilangan cheklangan umumiy soni doirasida: Vazirlar Mahkamasida - 3 ta xodim; Qoraqalpogʻiston Respublikasi Vazirlar Kengashi, viloyatlar va Toshkent shahar hokimligida - 2 ta xodimdan iborat shoʻʼba tashkil etilishi; shahar va tuman hokimliklarida 1 ta mutaxassis shtat birligi kiritish belgilangan.

“Bunda, shoʻʼba faoliyatini bevosita muvofiqlashtirish tegishlicha Oʻzbekiston Respublikasi Bosh vazirining birinchi oʻrinbosari hamda hokimlarning birinchi oʻrinbosarlari tomonidan amalga oshiriladi”, - deyilgan hujjatda.

Qaror loyihasiga “Davlat va jamoat ehtiyojlari hamda boshqa maqsadlar uchun yer uchastkalarining olib qoʻyilishi munosabati bilan fuqarolarga va yuridik shaxslarga yetkazilgan zararlarni qoplash tartibi toʻgʻrisida”gi nizom ilova qilingan.

“Yer uchastkasini olib qoʻyish va turar hamda noturar joylar, inshootlarni buzish va dov-daraxtlarni koʻchirib tashlash (keyingi oʻrinlarda obʼyektlar deb ataladi) toʻgʻrisidagi tegishli xalq deputatlari kengashi qarori faqat quyidagi maqsadlarda qabul qilinadi:

- oʻrnatilgan tartibda tasdiqlangan bosh rejalarga, shuningdek shaharlar va posyolkalarning aholi punktlari va mikrotumanlarini batafsil rejalashtirish loyihalarini amalga oshirish;

- mudofaa va davlat xavfsizligi uchun yerlarni taqdim etish;

- avtomobil va temir yoʻllari, aeroportlar, aerodromlar, aeronavigatsiya obʼyektlari va aviatexnika markazlari, temir yoʻl transporti obʼyektlari, koʻpriklar, metropolitenlar, tonnellar, energetika tizimi obʼyektlari va elektr uzatish tarmoqlari, aloqa tarmoqlari, kosmik faoliyat obʼyektlari, magistral quvurlar, muhandislik-kommunikatsiya tarmoqlarini qurish;

- Oʻzbekiston Respublikasi Prezidenti va Vazirlar Mahkamasi qarorlarida toʻgʻridan-toʻgʻri nazarda tutilgan hollarda.

Yuqorida nazarda tutilgan holatlardan tashqari, turar hamda noturar joylarni, inshootlarni asossiz buzilishiga va dov-daraxtlarning koʻchirib tashlanishiga yoʻl qoʻyilmaydi”, - deyilgan hujjatda.

Asosiy mavzular