23:14 22 Noyabr 2019
Efir
  • RUB149.01
  • EUR10498.56
  • USD9500.96
Vodoprovodnыy kran

Oʻzbekistonda suv taʼminoti tizimi tubdan isloh qilinadi

© Sputnik / Yevgeniy Odinokov
Jamiyat
Havola olish
143 0 0

Mirziyoyev Moliya vazirligi, Uy-joy kommunal xizmat koʻrsatish vazirligiga 2020 yil 1 yanvardan tariflarni xizmatlar tannarxini toʻliq qoplash va modernizatsiya xarajatlarini hisobga olgan holda belgilash vazifasini topshirdi.

TOSHKENT, 6 sen - Sputnik. Oʻzbekiston prezidenti Shavkat Mirziyoyev 5 sentyabr kuni aholini toza ichimlik suvi bilan taʼminlash boʻyicha ustuvor vazifalarga bagʻishlangan yigʻilish oʻtkazdi. Bu haqda davlat rahbari matbuot xizmati xabar qildi.

Mirziyoyev oxirgi 2 yilda ichimlik suvi va kanalizatsiya tizimini yaxshilashga 2 trillion 400 milliard soʻm ajratilganini taʼkidlagan.  Bu avvalgi 10 yilda ajratilgan jami mablagʻdan 2 baravar koʻp demakdir. 

Tanqidiy-tahliliy ruhda oʻtgan yigʻilishda qayd etilishicha, 27 ming kilometr yoki 38 foiz suv tarmoqlari avariya holatida boʻlsa, 2 mingta yoki 20 foiz suv nasoslari ishdan chiqqan. Mamlakat shaharlarining faqat 79 tasida (57 foiz) kanalizatsiya tizimi mavjud, uning ham 23 foizi taʼmirga muhtoj. 

Yigʻilishda, shuningdek, bugungi kunda ichimlik suvi ishlab chiqarish va tarqatish inshootlarining 85 foizida hisobga olish tizimi mavjud emasligi ham tanqid qilindi. 

Jami 3 million 280 ming nafar suv isteʼmolchidan atigi 44 foiziga, yaʼni 1 million 425 ming xonadonga hisoblagich oʻrnatilgani sohada ishlar sustkashlik bilan amalga oshirilayotganini koʻrsatmoqda.

Hisob-kitoblarga koʻra, 2030 yilga qadar suv taʼminotini shaharlarda 98, qishloqlarda 85 foizga, kanalizatsiya tizimini 31 foizga yetkazish koʻzda tutilgan. Buning uchun 4,5 milliard dollar mablagʻ kerak boʻladi.

Avvalo, tariflarni erkin bozor talablari asosida belgilash va sohaga xususiy investitsiyalarni jalb qilish kerak. Qolaversa, toza ichimlik suvi ishlab chiqarish va tarqatish inshootlari hamda isteʼmolchilarni 2022 yil oxiriga qadar 100 foiz hisoblagichlar bilan taʼminlash lozimligi qayd etildi.

“Shu maqsadda Moliya vazirligi, Uy-joy kommunal xizmat koʻrsatish vazirligiga 2020 yil 1 yanvardan tariflarni xizmatlar tannarxini toʻliq qoplash va modernizatsiya xarajatlarini hisobga olgan holda belgilash vazifasi yuklatildi”, - deyiladi xabarda.

Shuningdek, olis va togʻli hududlar aholisini toza ichimlik suvi bilan taʼminlash xarajatlarining bir qismini davlat tomonidan qoplab berish tartibi joriy qilinishi belgilab qoʻyildi.

Asosiy mavzular