21:47 31 Mart 2020
Efir
  • RUB121.10
  • EUR10637.67
  • USD9554.22
Jamiyat
Havola olish
29510

Toshkent viloyatida atrof – muhitni zaharlayotgan korxonalar jarimaga tortildi, ayrim tsexlar vaqtincha yoildi.

TOSHKENT, 8 sen – Sputnik. Ekologiya qoʻmitasi aholi tomonidan kelib tushgan koʻplab shikoyatlar asosida Toshkent viloyatining Chirchiq va OLmaliq tumanida joylashgan korxonalar faoliyatini tekshirib bir qator jiddiy kamchiliklar aniqladi, deb xabar qilmoqda qoʻmita matbuot xizmati.

Tekshiruv davomida «Oʻzkimyosanoat» AJ tarkibiga kiruvchi “MAXAM-CHIRCHIQ” va  korxonasi atrofida 8 nuqtadan havo namunalari olib tahlil qilindi. Tekshiruv natijasida korxona atrofidagi havo tarkibida ammiak miqdori ruxsat etilgan meʼyordan 1,1 – 2,8 marotaba, vodorod sulfid miqdori  4,5 – 7,4 marotaba, uglerod oksidi miqdori – 1,2 marotaba koʻpligi aniqlandi.

Xuddi shunday tekshiruvlar “AMMOFOS-MAXAM” korxonasi atrofida ham oʻtkazildi. Olingan havo namunalari tahlil qilinganda, atmosfera havosi tarkibida oltingugurt moddasi miqdori ruxsat etilgan meʼyordan – 2,6 marotaba, azot ikki oksidi – 8,8 martaga oshib ketganligi aniqlandi.

Shundan soʻng, 5 avgustdan 26 avgust kuniga qadar yuqoridagi korxonalar faoliyatida davlat ekologik nazorati olib borildi. Korxonalar asosiy va yordamchi tsexlari havo va suvni ifloslantirish manbaalaridan namunalar olib tekshirildi.

Tahlil natijalariga koʻra, Tekshiruv natijalariga koʻra, “MAXAM-CHIRCHIQ”ning 2 ta ishlab chiqarish tsexlarida atmosfera havosini ifloslantiruvchi manbalardan tashlanayotgan tashlamalarning miqdori ruxsat etilgan meʼyoridan 1,2 - 8,0 marotaba yuqoriligi aniqlandi. Mazkur kamchiliklarni bartaraf etish maqsadida ushbu tsexlar faoliyati vaqtincha toʻxtatildi.

Shuningdek,  “AMMOFOS-MAXAM” AJning ham 1 ta ishlab chiqarish tsexida ayrim uskunalar faoliyati ham vaqtincha toʻxtatildi.

OʻZbekiston Respublikasining “Atmosfera havosini muhofaza qilish toʻgʻrisida”gi, “Suv va suvdan foydalanish toʻgʻrisida”gi hamda “Chiqindi toʻgʻrisida”gi qonun talablarini buzganlik uchun «MAXAM-CHIRCHIQ» AJ, «AMMOFOS-MAXAM» AJning 33 nafar mansabdor va masʼul shaxslari maʼmuriy javobgarlikka tortildi hamda atrof tabiiy muhit ifloslantirilganligi va chiqindilarni belgilanmagan joylarga joylashtirilganligi uchun qoʻshimcha ravishda 414,4 mln. soʻm kompensatsiya toʻlovlari hisoblandi.

Sanatoriy Zamin
Foto iz arxiva Federatsii Profsoyuzov RUz

Shuningdek, «AMMOFOS-MAXAM» AJ hududida noqonuniy daraxtlar kesilganligi aniqlanib, oʻsimlik dunyosiga yetkazilgan 223 mln. soʻm zararni qoplash belgilandi.

Tekshirish yakunlari bilan mazkur korxonalarda aniqlangan kamchiliklarni bartaraf etish va kelgusida bu kabi holatlarni oldini olish maqsadida 39 banddan iborat bajarilishi majburiy boʻlgan koʻrsatmalar berildi hamda Davlat ekologiya qoʻmitasi tomonidan qatiy nazoratga olindi.

Asosiy mavzular