18:05 30 Mart 2020
Efir
  • RUB130.22
  • EUR10572.34
  • USD9520.34
Jamiyat
Havola olish
344 0 0

Rossiya sifat tizimi ekspertlari pishirishdan avval yuvish kerak boʻlmagan mahsulotlar roʻyxatini tushishdi.

TOSHKENT, 10 sen – Sputnik. Rossiya sifat tizimi ekspertlari pishirishdan avval yuvish kerak boʻlmagan mahsulotlar roʻyxatini tuzishdi. RIA Novosti xabariga asosan.

Bu roʻyxatga birinchi navbatda barcha turdagi goʻsht kiritildi.

“Roskachestvo” yaqinda oʻtkazilgan tadqiqotlar natijalariga koʻra, goʻshtni yuvilganda patogen bakteriyalar oʻlmaydi va oshxonada sochilgan suv tomchilari bilan birga toza idishlarga yoki ovqatga tushib, salomatlikka tahdid soladi. Bunday bakteriyalarni faqat uzoq muddatli issiqlik bilan ishlov berish (termoobrabotka) bilan yoʻq qilish mumkin.

Shuningdek, ekspertlar tuxumni yuvishni maslahat bermaydi. Tuxum poʻsti yupqa suvni oʻtkazmaydigan kutikul himoya qobigʻi bilan qoplangan, u mikroblarni oʻtkazmaslik xususiyatiga ega. Yuvish himoya qatlamini olib tashlashi mumkin, shundan keyin bakteriyalar qobiqdan oʻtib tuxum ichiga oʻtishi mumkin.

Yana bir mahsulot bu – qadoqlangan qoʻziqorin. Suv tufayli ular taʼm va xushboʻylikni yoʻqotadi va namlikni oʻzlashtirishi sababli tezda yomonlashishi xavfi mavjud. Buning oʻrniga ularni nam mato bilan artib, shikastlangan joylarni kesib tashlash kerak.

Aksincha, quyidagi mahsulotlarni yuvish zarur: baliq, meva va sabzavotlar, tozalangan kartoshka, guruch va dukkakli ekinlar.

Quritilgan mevalar, urugʻlar, koʻkatlar qadoqda koʻrsatilgan koʻrsatmalarga eʼtibor qaratish lozim.

Asosiy mavzular