12:34 16 Oktyabr 2019
Efir
  • RUB147.25
  • EUR10438.58
  • USD9455.24
Vыraщivaniye risa

Oʻzbekistonda “Aqlli suv” tizimi joriy etiladi

© Sputnik / Vitaliy Timkiv
Jamiyat
Havola olish
427 0 0

Shavkat Mirziyoyev Suv xoʻjaligi vazirligiga suv sarfini onlayn kuzatish imkonini beruvchi “Aqlli suv” tizimini joriy etish vazifasini topshirdi.

TOSHKENT, 19 sen – Sputnik. Shavkat Mirziyoyev suv resurslarini boshqarish tizimini isloh qilish va suvdan foydalanish samaradorligini oshirish masalalari boʻyicha yigʻilish oʻtkazdi. 

Davlat rahbari matbuot xizmati xabariga koʻra, yigʻilishda sugʻorishdagi yoʻqotishlarni qisqartirish, ajratilayotgan byudjet mablagʻlaridan samarali foydalanish masalalari muhokama qilindi. 

Maʼlum qilinishicha, bugungi kunda 3 million 200 ming gektar yerga 46 milliard kub metr suv sarflanib, uning 60 foizi ekinlarga yetib boryapti, xolos. Chunki jami 180 ming kilometr sugʻorish tarmoqlarining 23 foizi beton qoplamali boʻlib, ular ham 30-35 yildan buyon deyarli yangilanmagan. 

Yana bir sababi ekin maydonlarining 98 foizi eskicha uslubda sugʻorilayotgani, ekinlar nomaqbul joylashtirilayotganidir. Suvdan samarali foydalanish, hisobini yuritish, irrigatsiya tarmoqlarida suv tejovchi yangi texnologiyalarni qoʻllash boʻyicha hech bir tashkilot talab qoʻymayapti.

“Suv xoʻjaligi vazirligiga Janubiy Koreyaning 7 million dollarlik granti hisobidan 61 ta suv xoʻjaligi obʼyektida suv sarfini onlayn kuzatish imkonini beruvchi “Aqlli suv” tizimini joriy etish vazifasi yuklatildi”, - deyiladi xabarda.

Kelgusi yili 120 ta va 2023 yilgacha 300 ta obʼyektda ushbu tizim tatbiq etiladi.

Energetika vazirligiga 1 ming 700 ta nasos stantsiyasini 2020 yil yakunigacha elektr energiya isteʼmolining avtomatlashgan nazorat tizimiga oʻtkazish topshirigʻi berildi.

2020 yilda 22 ta tumandagi 50 ta obʼyektni davlat-xususiy sheriklik asosida xususiy sektorga berish zarurligi taʼkidlandi. 

Asosiy mavzular