08:37 12 Noyabr 2019
Efir
  • RUB148.82
  • EUR10455.03
  • USD9490.77
Zaklyuchennыy

Tibbiyot xodimiga tajovuz qilganlar 5 yilgacha qamalishi mumkin

© Sputnik / Tabыldы Kadыrbekov
Jamiyat
Havola olish
164 0 0

Oʻzbekistonda soʻnggi 2 yil ichida 400dan ortiq tibbiyot xodimlariga nisbatan zoʻravonlik qilish, ularga tan jarohatlari yetkazish holatlari qayd etilgan.

TOSHKENT, 7 okt – Sputnik. Tibbiyot xodimiga tajovuz qilgan shaxslar uchun javobgarlik kuchaytiriladi. Bu haqida Sogʻliqni Saqlash vazirligi koʻmagida ishlab chiqilgan “Oʻzbekiston Respublikasining Jinoyat kodeksiga qoʻshimcha kiritish toʻgʻrisida”gi qonun loyihasida aytib oʻtilgan.

“Yangi qonun qabul qilinganidan soʻng, tibbiyot xodimlariga tajovuz sodir etgan shaxslarga nisbatan uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazosini qoʻllash mumkin boʻladi”, - deyilgan xabarda.  

Maʼlumki, soʻnggi vaqtlarda Oʻzbekistonning turli viloyatlarida bemorlar va ularning yaqin qarindoshlari tomonidan tibbiyot xodimlariga tajovuz qilish holatlari tez-tez uchrab turibdi.

Sogʻliqni saqlash vazirligi xabariga koʻra, tibbiyot muassasalarida, ayniqsa, shoshilinch va tez tibbiy yordam koʻrsatish tizimida bu kabi holatlar kunda yoki kunora sodir boʻlmoqda. Xususan, soʻnggi 2 yil ichida Oʻzbekistonda 400dan ortiq tibbiyot xodimlariga nisbatan zoʻravonlik qilish, ularga tan jarohatlari yetkazish kabi noqonuniy harakatlar qayd etilgan.

Oʻzbekiston Respublikasining amaldagi jinoyat qonunchiligida xizmat vazifasini bajarib turgan tibbiyot xodimlariga nisbatan tajovuz qilish, ularga bu jarayonda tan jarohati yetkazish uchun javobgarlik choralari nisbatan yengil hisoblanadi.

Sogʻliqni saqlash vazirligi yangi qonun ushbu vaziyatga ijobiy taʼsir qilishi va bunday qonunbuzarlikni oldini olishda profilaktik rol oʻynashiga umid bildirishmoqda.

Asosiy mavzular