21:13 15 Oktyabr 2019
Efir
  • RUB147.25
  • EUR10438.58
  • USD9455.24
Farrux Zakirov na premii Chelovek goda

Toshkentda “Yalla” ansambli uslubidagi musiqa maktabi ochiladi

© ludinaroku.com.ua
Jamiyat
Havola olish
156 0 0

Hujjatda Toshkentdagi 22-son bolalar musiqa va sanʼat maktabi negizida “Yalla” estrada vokal – cholgʻu ansambli ijro uslubidagi bolalar musiqa maktabi va studiyasini tashkil etish toʻgʻrisidagi taklif etilgan.

TOSHKENT, 10 okt – Sputnik. “Yalla” estrada vokal – cholgʻu ansambli ijro uslubini qoʻllab-quvvatlash toʻgʻrisida hukumat qarori loyihasi tayyorlandi.

Loyihada Oʻzbekiston Madaniyat vazirligi, Toshkent shahar hokimligining 2020/2021 oʻquv yilidan Toshkent shahridagi 22-son bolalar musiqa va sanʼat maktabi negizida “Yalla” estrada vokal – cholgʻu ansambli ijro uslubidagi bolalar musiqa maktabi va studiyasini tashkil etish toʻgʻrisidagi taklifiga rozilik berish belgilagan. 

Hujjatga “Yalla” ansambli ijro uslubidagi bolalar musiqa maktabi va studiyasini tashkil etish va uning faoliyatini rivojlantirishga doir chora-tadbirlar rejasi ilova qilingan.

“Yalla” ansambli ijro uslubidagi bolalar musiqa maktabi va studiyasining asosiy vazifalari:

- iqtidorli yoshlarni aniqlash va ularning isteʼdodini rivojlantirish, ularga milliy estrada sanʼati boʻyicha taʼlim berish hamda taalluqli oʻquv-uslubiy ishlarni takomillashtirish;

- oʻquvchilarning tegishli sohada bilim olishlari va ijodiy salohiyatlarini oshirib borishlari uchun qulay sharoitlar yaratish;

- milliy estrada sanʼatini oʻzbek anʼanaviy ijrochilik uslublari bilan hamohang tarzda, milliy va umuminsoniy qadriyatlar bilan uygʻunlashgan holda rivojlantirish;

- yoshlarni ona Vatanga muhabbat, milliy anʼanalarga sadoqat ruhida tarbiyalash, milliy estrada ijrochiligi boʻyicha isteʼdodli yosh ijodkorlarning kasbiy va maʼnaviy kamol topishi va  oʻz iqtidorlarini namoyon etishlari uchun shart-sharoit yaratish;

- zamonaviy oʻquv-pedagogik va axborot-kommunikatsiya texnologiyalaridan samarali foydalangan holda oʻquv-tarbiya jarayonlarini yanada yaxshilash, ilgʻor xorijiy tajribalarni qoʻllagan holda yangi oʻqitish uslublarini ishlab chiqish hamda amaliyotga joriy etish.

“Madaniyat va sanʼatni rivojlantirish jamgʻarmasi 2021 yilda “Yalla” ansambli ijro uslubidagi bolalar musiqa maktabi va studiyasining moddiy-texnika bazasini yanada mustahkamlash maqsadida zamonaviy cholgʻular, oʻquv-qoʻllanmalar bilan taʼminlash hamda zamonaviy ovoz yozish studiyasini tashkil etish yuzasidan zarur boʻlgan mablagʻlarni ajratsin”, - deyilgan hujjatda. 

Asosiy mavzular