18:16 07 Avgust 2020
Efir
  • RUB137.46
  • EUR12021.09
  • USD10209.86
Jamiyat
Havola olish
89310

Kundalik ovqatlanishimizda toʻyintirilgan yogʻlar koʻpayib, mol-sigirlar esa kimyo bilan dorilanganmi? "Qonli steyk"dan infektsiyalanish mumkinligi qanchalik rost?

TOSHKENT, 18 okt — Sputnik. "Toʻyintirilgan yogʻlar juda koʻp, barcha sigirlarni kimyoviy preparatlar bilan dorilashadi" - goʻsht isteʼmoli xavfi haqida nimalarni yozishmaydi deysiz. Bu orada, goʻshtni hatto "vegetarianlik maʼbudlari" ham isteʼmol qiladilar: esingizdami, Leonardo di Kaprio ommaviy vegetarianlikka daʼvat etuvchi maʼruzasi tugashi bilan borib restoranda steyk yeb turganida "qoʻlga tushgani", deydi Sputnik radiosi sharhlovchisi Olga Bugrova.

Qizil goʻsht zararli ekanini fosh qiluvchi oltita dalil aniqlangan:

1. Birinchi oʻrinda - pishirilgan mol tili. U baxtiyorlik hissiga javob beruvchi gormon – serotonin tanqisligini his qilayotganlar uchun ayniqsa foydali. Mol tilidagi aminokislotalarning taʼsiri shokoladniki bilan bir xil boʻlsa-da, ammo oziqaviy qiymati bir necha barobar yuqori.

2. Goʻshtxoʻrlar chala pishirilgan qonli goʻshtni koʻrishlari bilan oʻzlarini baxtiyor his qilishlarini aytishadi. Bu behuda gap. Chunki goʻshtdagi, aslida, qon emas. Zero, chorva qoni soʻyilganidayoq toʻkib tashlanadi. Koʻrib turgan suyuqligingiz aslini olganda - oqsil shirasi. Agar "qonli" steyk sifatsiz tayyorlansa, uni isteʼmol qilgan kishi infektsiyalanishi kafolati 100%.

 

Myaso na rыnke v Tashkente
© Sputnik / Ramiz Baxtiyarov
Mol goʻshti

 

3. Qizil goʻshtni faqat oqsili uchun isteʼmol qiladiganlar chigirtkaga oʻtganlari maʼqul, deydi Bugrova. Hasharotda oqsil taqqoslab boʻlmas darajada koʻp. Hasharotning ustki qoplamidan hatto goʻsht mahsulotlarini toʻyintiruvchi modda tayyorlanadi.

4. Baʼzan har kim ham goʻsht yeyishdan tiyilgani maʼqul: kundalik ratsionda qizil goʻshtning mavjudligi yurak-tomir kasalliklari xavfini keltirib chiqaradi. Taʼkidlash joiz, goʻshtning oʻzi emas, uni hazm qilishda ishtirok etuvchi ichak bakteriyalari tomonidan ajratiladigan "chiqindilar" oʻta ziyonli.

5. Goʻshtning tavsiya qilinadigan kundalik meʼyori – haftasiga 150-200 grammdan ikki marta, yo boʻlmasa uch marta, ammo kuniga 60 grammdan ortiq boʻlmasligi kerak. Undan koʻpiga ehtiyoj ham yoʻq: shu miqdorning oʻzi immun hujayralar oʻsishini kafolatlaydi, gemoglobin uchun javob beradigan gem temiriga boʻlgan ehtiyoj toʻlaligicha qondiriladi.

 

Prilavok s myasom ptitsы. Arxivnoye foto
© Sputnik / Yevgeniy Biyatov
"Oq" tovuq goʻshti rastasi

 

"Oq goʻsht"da temirni qidirmagan yaxshi, deydi muallif. Unda temir deyarli yoʻq. Tovuq isteʼmoliga oʻch boʻlganlar kamqonlikni orttirib olishlari mumkin.

6. 2016 yilda Butunjahon sogʻliqni saqlash tashkiloti qizil goʻshtni "insonda rak kasalligini vujudga keltirishi (kantserogen) ehtimoli baland boʻlgan mahsulotlar" toifasiga kiritdi. Ammo oʻtgan yillarda buning aniq dalil-sabablarini keltirganicha yoʻq.

Tashkilot, ayni zamonda, boshqa bir raqamni ham eʼlon qilgan: 34 000 ta oʻlimning sababi - goʻsht mahsulotlarini isteʼmol qilish bilan bogʻliq rak, deb koʻrsatilgan. Biroq goʻshtni isteʼmol qilish kasallikni vujudga kelishidagi sabab, deb eʼlon qilinmagan.

Kimyo boʻyicha Nobel mukofoti sovrindori Tomas Lindel taʼkidlashicha, kantserogenlik, nurlanish yoxud ultrabinafsha nurlarining tarqalishi saraton kasalligining rivojlanishiga taʼsir koʻrsatmaydi.

Butun sabab gidrolizda, yaʼni murakkab moddalarning suv taʼsirida (inson tana massasi 80% gacha suvdan iboratligi hisobga olinganda) qismlarga ajralishidadir va bunda inson goʻsht yegan-yemaganligi ahamiyat kasb etmaydi.

Yupqa zarvaraqdan tayyorlangan dunyodagi eng qimmat gamburger

Asosiy mavzular