TOShKENT, 22 okt – Sputnik. Rossiyada futbol ishqibozi bosh murabbiy Stanislav Cherchesovga qo‘ng‘iroq qilib, undan Shomurodovni terma jamoaga jalb qilishni talab qildi, deb yozmoqda Sportbox.
- Menga yaqinda notanish kishi qo‘ng‘iroq qilib, milliy terma jamoaga jarohat olgan Fodor Smolov o‘rniga “Rostov” hujumchisi Eldor Shomurodovni jalb qilishni talab qildi, - deydi Cherchesov. - Kim telefon qilganini bilmayman, futbol ishqibozi bo‘lsa kerak, qayerdandir telefon raqamimni topib qo‘ng‘iroq qildi, uzoq vaqt gapirdi, sen yaxshi futbolchilarni, eng zo‘r gol uruvchini ko‘rmayapsan dedi.
Men uning gaplarini xotirjam oxirigacha tingladim va siz hammasini to‘g‘ri aytdingiz, lekin harchand urinsam ham O‘zbekiston terma jamoasi o‘yinchisini jamoaga taklif qila olmayman, dedim. Afsus shu vaqt uning yuzini ko‘ra olmadim, lekin suhbatda grosmeysterlarga xos uzoq to‘xtam bo‘ldi, - dedi Cherchesov.
Eslatib o‘tamiz, ushbu mavsumda Rossiya premyer ligasida o‘zbekistonlik legioner Eldor Shomurodov yetakchi hujumchi bo‘lib turibdi. Ayni damda Shomurodovning ushbu mavsumda urilgan gollari soni 10taga yetdi.
