09:58 08 Aprel 2020
Efir
  • RUB121.10
  • EUR10637.67
  • USD9554.22
Jamiyat
Havola olish
485 0 0

Saraton kasalligi bilan qanday samarali kurashish mumkin? Rossiya Federal tibbiyot biologiya agentligining otorinolaringologiya ilmiy-klinik markazi gospitalizatsiya va tibbiy xizmatlar boʻlimi boshligʻi Dmitriy Lipson bu haqda.

TOSHKENT, 24 okt – Sputnik. Shu kunlarda Toshkentda Oʻzbekiston-Rossiya tibbiyot forumi boʻlib oʻtmoqda. Tadbirda sohaning turli tarmoq mutaxassislari ishtirok etib, dori-darmon va asbob-uskunalarni ishlab chiqarishga ixtisoslashgan kompaniyalar oʻzaro tajriba almashishdi hamda qoʻshma loyihalarni amalga oshirish imkoniyatlarini oʻrganishdi.

Rossiya delegatsiyasi tarkibida onkolog-ekspertlar ham ishtirok etmoqda.

Sputnik bilan suhbati chogʻida Dmitriy Lipson saraton bilan kurashishda asosiy muammo bu kasallikning juda kech aniqlanishi ekanligini taʼkidlab oʻtdi.

Aksariyat hollarda, bemorlarning oʻzi aybdor boʻlib qolmoqda. Zero, ular vrach koʻrigidan oʻtishni oxiriga qadar orqaga surish bilan ovvoralar.

“Saratonni tamomila yoʻq qilish mumkin emas. Ammo unga qarshi kurash onkologiyagacha boʻlgan davrda va kasallikning dastlabki bosqichida ayniqsa samarali boʻla oladi. Bu real holat. Xirurgiya va farmatsevtika texnologiyalari, diagnostika usullarini takomillashtirish, shifokorlar ixtisosligini oshirish, ularda “onkologik hushyorlik”ni tarbiyalash kabilar ham talab etiladi. Har qanday vaziyatda ham “erta aniqlangan - samaraliroq daʼvolanadi” tamoyili qoʻllanilishi kerak", - deydi Lipson.

Onkolog allaqachon unutilgan monitoring va diagnostika instrumentlarini samarali deb atab, Sobiq ittifoq davridagi har yilgi ommaviy profkoʻriklar tajribasiga alohida eʼtiborini qaratdi. Ushbu tajriba bemorlarni doimiy kuzatuv ostiga olib, normadan jiddiy chetga ogʻishlarni aniqlashda samarador boʻla oladi va hamda ularni oʻz vaqtida davolashga imkon yaratadi.

“Bu kabi kengmiqiyosli tekshiruvlar va profkoʻriklarni qayta tiklash juda yaxshi natijalarga sababchi boʻlardi. Rossiyada hozirda onkologik kasalliklarga qarshi davolanishning oltiyillik dasturi ishga tushirilgan. Umid qilamanki, Oʻzbekistonda ham bunday tajriba yoʻlga qoʻyiladi”, - dedi mutaxassis.

Germaniyalik onkolog saratondan saqlanishning eng yaxshi uslubini aytdi

Shu oʻrinda, uning taʼkidlashicha, bu borada majburiy choralarni tatbiq etish muammoni yecha olmaydi. Aholi bilan tegishli maʼrifat ishlarini olib borish talab qilinadi.

“Har kim oʻzi uchun shuni ochiq-oydin ifodalab olishi kerak: ilk alomatlar paydo boʻlgandayoq yoki shunchaki profilaktika uchun ham shifokorga borib tekshirilsa, kasallik aniqlangan taqdirda, uni davolay olishadi, yoʻqsa, hech kim yordam bera olmaydi. Ochigʻi, bu ichki madaniyat masalasi hamdir, yaʼni "yashashni xohlaymanmi-yoʻqmi" toifasidan”, - xulosa qildi Dmitriy Lipson.

Asosiy mavzular