08:01 25 Sentyabr 2020
Efir
  • RUB136.28
  • EUR12210.60
  • USD10315.62
Jamiyat
Havola olish
Samarqandda Valday klubining X Osiyo anjumani (21)
37510

Yevropa zaiflashib Osiyo kuchayib bormoqda. Dunyo kelajagini belgilovchi institutlar Osiyoda yaratiladi - ekspert.

TOSHKENT, 11 noya – Sputnik. Yangi dunyoni Osiyo yaratmoqda, Yevropa emas, deb hisoblaydi Valday klubi eksperti, Germaniya-Rossiya forumi ilmiy direktori, Aleksandr Rar. Sputnik muxbiri xabariga asosan. 

Biz hozir juda qiziq, shu bilan birga xavfli dunyoda yashamoqdamiz. Bugungi kun kelajakda koʻp qirrali dunyoga asos solmoqda. Yangi dunyoni Osiyo yaratmoqda, Yevropa emas. 30 yil oldin Berlin devori qulaganda yangi dunyoga Yevropa asos solgan edi, - deydi Aleksandr Rar.

Valday klubida bugungi kunda nafaqat Rossiyaning balkim xalqaro maydondagi eng kuchli ekspertlar jamlagan. Sochida boʻlib oʻtgan soʻnggi uchrashuvda Osiyo vakillari Yevropadan koʻra koʻproq edi.

Men, Yevropa vakili sifatida afsus bilan qayd etishim kerak-ki, Rossiya yoki sobiq SSSR mamlakatlari va Yevropa oʻrtasidagi suhbat maydonchasi nihoyasiga yetdi, desam xato boʻlmaydi. Nimaga deganda Yevropa biz bilan suhbat qilganda, birinchi navbatda, demokratiya va inson huquqlari haqida suhbat qilish kerak deb hisoblaydi. Ular oʻzlarining asosiy vazifasi deb  erkin Yevropa rivojlanish modeli naqadar chiroyli, qulay va tarixiy toʻgʻri yoʻl ekanligini boshqa davlatlar va kontinentlarga namoyish qilish deb hisoblaydi. Shu sababli ham Yevropa faqat Gʻarbiy demokratiya yoʻlidan borayotgan davlatlar bilan muloqot qilmoqda. Lekin bu suhbat soʻnggi vaqtlarda oʻz nihoyasiga yetdi.  

Sabab, chunki u kengroq, boʻlishi kerak. Bugungi kunda dunyoda shunaqangi chaqiriqlar borki, oʻzaro muloqot yanaday ochiqroq, yanada demokratik, yanada koʻpqirraliroq boʻlishi kerak. Aynan shu sababli Valday klubi soʻnggi vaqtlarda Osiyo vakillari bilan muloqot yoʻnalishiga qayta moslashib oldi.

Sochida boʻlib oʻtgan soʻnggi Valday klubi uchrashuvida biz Katta Osiyo qanday boʻlishi haqida oʻylay boshladik. Yevropa zaiflashib Osiyo kuchayib bormoqda. Dunyo kelajagini belgilovchi institutlar Osiyoda yaratiladi. Yevropada ular allaqachon bor va ular bundan kuchliroq boʻla olmaydi. Osiyoda esa yangi global xavfsizlik tizimlari yaratiladi. Xitoy va Hindiston kabi murakkab davlatlar orasida muloqot qilish mexanizmi yaratiladi.

Markaziy Osiyo hududi jahon hamjamiyati oldida yangi maqomga ega boʻladi. Oldin koʻpchillikning fikricha bu yerda buyuk davlatlar “Katta oʻyin” olib bormoqda degan tushuncha bor edi. Lekin Rossiya ham, Xitoy ham  “Katta oʻyin” bilan shugʻullanmayapti. Ular faqat hamkorlikni yoʻlga qoʻyishmoqda xolos.

 

Mavzu:
Samarqandda Valday klubining X Osiyo anjumani (21)

Asosiy mavzular